https://sputnik-abkhazia.info/20220626/german-gazaa-itskhyraarazy-agyalalrat-kontsert-magakhoit-gdoua-1039822855.html
Герман Гәазаа ицхырааразы агәыҳалалратә концерт мҩаԥгахоит Гәдоуҭа
Герман Гәазаа ицхырааразы агәыҳалалратә концерт мҩаԥгахоит Гәдоуҭа
Sputnik Аҧсны
Жәашықәса зхыҵуа ахшыбаҩ акьыба чмазара змоу Герман Гәазаа изы ахәшә 6,5 миллион мааҭ иаԥсоуп. 26.06.2022, Sputnik Аҧсны
2022-06-26T14:40+0300
2022-06-26T14:40+0300
2022-06-26T15:30+0300
аԥсны
ажәабжьқәа
ауаажәларра
https://cdnn1.img.sputnik-abkhazia.info/img/102561/22/1025612247_0:160:3073:1888_1920x0_80_0_0_310e540fc2bdeecbe7c0c6f9c4c0c3ed.jpg
АҞӘА, рашәара 26 – Sputnik, Бадри Есиава. Ачымазара бааԥс змоу аҷкәын Герман Гәазаа изы агәыҳахалратә концерт мҩаԥгахоит Гәдоуҭа ашәахьа рашәара 27 Акультура ахан аҿы, абри атәы Sputnik иазеиҭеиҳәеит Гәдоуҭа араион ахадара акультура аҟәша аиҳабы Ҭемыр Шамба. Иара иазгәеиҭеит аконцерт асааҭ 18:00 рзы ишалаго. Асценахь ицәырҵуеит ансамбль "Адац", акәашара атеатр "Аурашьа", аԥсуа естрадатә шәаҳәаҩцәа – Џьими Шәманиа, Саида Габниа, Авто Конџьариа, Ильда Қәычбериа, Хатуна Ҭарба.Аконцерт азы абилеҭ 200 мааҭ иаԥсахоит. Идырҳаз аԥарақәа зегьы Герман Гәазаа ихәшәтәрахь ирышьҭуеит. Иара убас иргылазаауеит акәалаԥ хәыҷ досу шаҟа иҭаху аԥара ҭаиршәырц азы. Ари аусмҩаԥгатә еиҿыркааит араион ахадареи акультура аусбарҭеи. Агәыҳалалратә фонд "Ашана" Герман Гәазаа изы аԥареизгара хацнаркит рашәара 14 рзы. Аофициалтә саит аҿы ишырҳәо ала, ачымазара шилаз еилкаахеит шықәсык аԥхьа.Аҷкәын ихшыбаҩ иамоу ачыра акыр идууп азы аԥҟара алшом, уи аизҳара аанкылара заҵәык ауп иҟало. Уажәазы ачыра аҷкәын иарӷьа напи иарӷьа шьапи русура алзыршо анервқәа ирықәыӷәӷәоит, ицәажәаратә аппарат аусура еиԥҟьоуп.Герман Гәазаа ашәахәап терапиа изыҟарҵахьеит, ахимиотерапиа 10 блокк, аха макьана деиӷьхом. Урыстәылатәи аҳақыьмцәа ахәшә "Exkivity" изылырҩааит, уи ҩ-курск ҟауҵарц азы уажәтәи акурс ала иаҭахуп 6,6 миллион мааҭ.Ари ахәшә Урыстәыла иҭаҩӡам. "Ашана" ишаанацҳауа ала, урыстәылатәи афонд "Добросвет" иалшеит ари ахәшә аҷкәын изы иаарышьҭырц, дара еизыргеит миллионк раҟара аԥара, зынӡауажәазы 1,6 миллион мааҭ роуп аҷкәын изы еизганы иҟоу.
Sputnik Аҧсны
media@sputniknews.com
+74956456601
MIA „Rosiya Segodnya“
2022
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа, ауаажәларра
Герман Гәазаа ицхырааразы агәыҳалалратә концерт мҩаԥгахоит Гәдоуҭа
14:40 26.06.2022 (ирҿыцуп: 15:30 26.06.2022) Жәашықәса зхыҵуа ахшыбаҩ акьыба чмазара змоу Герман Гәазаа изы ахәшә 6,5 миллион мааҭ иаԥсоуп.
АҞӘА, рашәара 26 – Sputnik, Бадри Есиава. Ачымазара бааԥс змоу аҷкәын Герман Гәазаа изы агәыҳахалратә концерт мҩаԥгахоит Гәдоуҭа ашәахьа рашәара 27 Акультура ахан аҿы, абри атәы Sputnik иазеиҭеиҳәеит Гәдоуҭа араион ахадара акультура аҟәша аиҳабы Ҭемыр Шамба.
Иара иазгәеиҭеит аконцерт асааҭ 18:00 рзы ишалаго. Асценахь ицәырҵуеит ансамбль "Адац", акәашара атеатр "Аурашьа", аԥсуа естрадатә шәаҳәаҩцәа – Џьими Шәманиа, Саида Габниа, Авто Конџьариа, Ильда Қәычбериа, Хатуна Ҭарба.
Аконцерт азы абилеҭ 200 мааҭ иаԥсахоит. Идырҳаз аԥарақәа зегьы Герман Гәазаа ихәшәтәрахь ирышьҭуеит. Иара убас иргылазаауеит акәалаԥ хәыҷ досу шаҟа иҭаху аԥара ҭаиршәырц азы. Ари аусмҩаԥгатә еиҿыркааит араион ахадареи акультура аусбарҭеи.
Агәыҳалалратә фонд "Ашана" Герман Гәазаа изы аԥареизгара хацнаркит рашәара 14 рзы. Аофициалтә саит аҿы ишырҳәо ала, ачымазара шилаз еилкаахеит шықәсык аԥхьа.
"Шықәсык аԥхьа Герман игәы хынҳәуа, ихлахаҵ гьежьуа далагеит, аполиклиникаҿы ирҳәеит аротавирустә инфекциа имоуп ҳәа. Мчыбжьык аҽыхәшәтәра ашьҭахь иҭагылазаашьа еиӷьымхаӡеит, анаҩс аневролог иахь дрышьҭит, иара иоуп аҭаацәа иразҳәаз ихшыбаҩ арӷьаратәи ахәҭаҿы чырак ыҟаоуп ҳәа. Анализқәа аныҟарҵа ашьҭахь аҳақьым иажәа хьанҭа шиашаҵәҟьаз еилкаахеит. Герман иҭаацәа зегь реиҳа ибааԥсыз ажәабжь раҳаит - ахшыбаҩ акьыба аԥшьбатәи астадиа, аглиома", - ҳәа адырра ҟанаҵоит афонд.
Аҷкәын ихшыбаҩ иамоу ачыра акыр идууп азы аԥҟара алшом, уи аизҳара аанкылара заҵәык ауп иҟало. Уажәазы ачыра аҷкәын иарӷьа напи иарӷьа шьапи русура алзыршо анервқәа ирықәыӷәӷәоит, ицәажәаратә аппарат аусура еиԥҟьоуп.
Герман Гәазаа ашәахәап терапиа изыҟарҵахьеит, ахимиотерапиа 10 блокк, аха макьана деиӷьхом. Урыстәылатәи аҳақыьмцәа ахәшә "Exkivity" изылырҩааит, уи ҩ-курск ҟауҵарц азы уажәтәи акурс ала иаҭахуп 6,6 миллион мааҭ.
Ари ахәшә Урыстәыла иҭаҩӡам. "Ашана" ишаанацҳауа ала, урыстәылатәи афонд "Добросвет" иалшеит ари ахәшә аҷкәын изы иаарышьҭырц, дара еизыргеит миллионк раҟара аԥара, зынӡауажәазы 1,6 миллион мааҭ роуп аҷкәын изы еизганы иҟоу.
