Аԥснытәи абжьаратә школқәа роушьҭымҭацәа ахьтәи араӡни медалқәа ранашьан
18:00 02.07.2022 (ирҿыцуп: 09:49 04.07.2022)
© Sputnik / Томас Тхайцук
Анапаҵаҩра
2022 шықәса рзы Аԥснытәи ашколқәа ирылгеит 1846-ҩык аҵаҩцәа, урҭ рҟынтәи жәҩык ахьтәы медал иаԥсахеит, хҩык-араӡны.
АҞӘА, ԥхынгәы 2 – Sputnik. Ражьден Гәымба ихьӡ зху Аҳәынҭқарратә филармониаҿ имҩаԥысит Аԥснытәи абжьаратә школқәа роушьҭымҭацәа ахьтәи араӡни медалқәа ранашьара.
Аушьҭымҭацәа амедалқәа ранеишьеит Аԥсны аҵареи абызшәатә политикеи рминистр Инал Габлиа.
"Шәаԥхьаҟа адырра ҿыцқәа, аҩызцәа ҿыцқәа, амҩа ҿыцқәа шәзыԥшуп. Аихьӡара шьахәқәа шәзеиӷьасшьоит. Сгәыӷуеит, шәахьыҟазаалак шәааӡареи шәаԥсуареи шәхашҭрым ҳәа. Ишәгәалашәала - "Аҵара сасуп ахшыҩ аԥшәымоуп". Мҩамш", - иҳәеит аминистр.
Амедалистцәа быжьҩык аҳҭнықалақь ашколқәа ироушьҭымҭацәоуп- Сариа Аргәынԥҳа, Дариа Ситникова, Анна Амҷԥҳа, Саид Берулаа, Николь Адлеиԥҳа хьтәы медлла иалгеит, Дианы Киулиани Армине Зазиани-арыӡны.
Араӡны медалла зҵара хзыркәшаз Лана Дбари, ахьтәы медал иаԥсахаз Диана Бостанџьиани Пицундатәи аҩбатәи ашкол иаушьҭымҭацәоуп.
Анаида Чолохиан-ахьтәы медал, Хибла Шаҭ-иԥа-араӡны медал иаԥсахаз иалгеит Тҟәарчалтәи аҩбатәи ашкол.
1/4
© Sputnik / Леон Адлейба
Аԥснытәи абжьаратә школқәа роушьҭымҭацәа ахьтәи араӡни медалқәа ранашьан
2/4
© Sputnik / Томас Тхайцук
Аԥснытәи абжьаратә школқәа роушьҭымҭацәа ахьтәи араӡни медалқәа ранашьан
3/4
© Sputnik / Томас Тхайцук
Аԥснытәи абжьаратә школқәа роушьҭымҭацәа ахьтәи араӡни медалқәа ранашьан
4/4
© Sputnik / Томас Тхайцук
Аԥснытәи абжьаратә школқәа роушьҭымҭацәа ахьтәи араӡни медалқәа ранашьан
1/4
© Sputnik / Леон Адлейба
Аԥснытәи абжьаратә школқәа роушьҭымҭацәа ахьтәи араӡни медалқәа ранашьан
2/4
© Sputnik / Томас Тхайцук
Аԥснытәи абжьаратә школқәа роушьҭымҭацәа ахьтәи араӡни медалқәа ранашьан
3/4
© Sputnik / Томас Тхайцук
Аԥснытәи абжьаратә школқәа роушьҭымҭацәа ахьтәи араӡни медалқәа ранашьан
4/4
© Sputnik / Томас Тхайцук
Аԥснытәи абжьаратә школқәа роушьҭымҭацәа ахьтәи араӡни медалқәа ранашьан
Џьгьардатәи абжьаратә школ аушьҭымҭа Мадина Амҷԥҳа иланашьан ахьтәы медал.
Амедалқәа рнаҩс аушьҭымҭацәа иранаршьеит аҳамҭақәа- Аԥсны аҵареи абызшәатә политикеи аминистр ихьӡала аҳаҭыртә шәҟәқәа, аԥсуа драматә театр аҭааразы асертификат, иналукааша аԥсуа ҵарауаҩ Шьалуа Инал-иԥа ихаҿсахьа зну араӡны ԥараҿырԥқәа, Владислав Арӡынба ишәҟәы "Сара сыԥсҭазаара", асахьаҭыхыҩ Екатерина Гуськова лусумҭақәа.
