https://sputnik-abkhazia.info/20220703/aa-aala-amsh-aayr-azy-agyrarat-usmagata-aloit-1039984757.html
Аҟәа ақалақь амш аҳаҭыр азы агәырӷьаратә усмҩаԥгатәқәа ҟалоит
Аҟәа ақалақь амш аҳаҭыр азы агәырӷьаратә усмҩаԥгатәқәа ҟалоит
Sputnik Аҧсны
Есышықәса Аҟәа ақалақь амш азгәарҭоит ԥхынгәымза раԥхьатәи асабшазы, аха сынтәа уи Тамшьтәи адесант аныӡхыҵыз амш иахьақәшәаз азы амҽышахь ииагазарц ӡбан. 03.07.2022, Sputnik Аҧсны
2022-07-03T10:30+0300
2022-07-03T10:30+0300
2022-07-03T10:57+0300
аԥсны
ажәабжьқәа
ауаажәларра
акультура
https://cdnn1.img.sputnik-abkhazia.info/img/07e5/05/1d/1032518556_0:0:3073:1728_1920x0_80_0_0_d200c6497c98a21d2afe916db03be59c.jpg
АҞӘА, ԥхынгәы 3 - Sputnik. Ԥхынгәы 3 рзы Аҟәа еиҿкаахоит ақалақь амш иазку агәырӷьаратә усмҩаԥгатәқәа, абри атәы аанацҳауеит аҳҭнықалақь ахадара асаит. Аныҳәа иалагоит асааҭ 12:00 рзы аҳҭнықалақь ахадара аҿаԥхьа иҟоу Ефрем Ешба ихьӡ зху апарк аҿы, ара имҩаԥысраны иҟоуп ахәыҷбаҳчақәа рааӡамҭацәа рконцерт, иара убас асахьақәа рконкурс, асахьақәеи анапкымҭақәеи рцәыргақәҵа, ауаҩы иоура зоуроу акьанџьақәа ршоу.Асааҭ 16:00 рзы Самсон Ҷанба ихьӡ зху Аԥсуа драматә театр аҿаԥхьа иҟоу апарк аҿы иаатуеит "Аҟәа" захьӡу афотоцәыргақәҵа. Уа аҳҭнықалақь анхацәеи асасцәеи ирбар рылшоит ажәашықәсақәеи ашәышықәсақәеи рыла Аҟәа иахҭысуаз аҽыԥсахрақәа.Асааҭ 19:00 рзы Амҳаџьырқәа рыԥшаҳәаҟны аевкалипт ду амҵан иқәгылоит ашәаҳәара-инструменталтә ансамбль "Гәында".Иара убри аамҭазы, асааҭ 19:00 рзы аихамҩа аангыларҭа "Гәыма" аҿы акинотеатр аусура иалагоит, агәаҳәара змоу зегьы неины уа иахәаԥшыр рылшоит Аҟәа иазку акинофильмқәа.Асааҭ 20:00 рзы Амҳаџьырқәа рыԥшаҳәаҿы иҟоу Сергеи Багаԥшь ихьӡ зху ашҭаҿы еиҿкаахоит аныҳәатә усмҩаԥгатә "Сықалақь Аҟәа".Асааҭ 21:30 рзы иҟалоит агәырӷьаратә салиут, асааҭ 22:00 рзы - агәыԥ Red Rocks аконцерт.Аҟәа - ижәытәӡоу адунеи ақалақьқәа иреиуоуп. Раԥхьаӡа акәны ара ауаа реиланхарҭа шьақәгылеит ҳәа иазгәарҭоит ҳера ҟалаанӡа VI ашәышықәсазы, уи аахижьҭеи ҩ-нызқьи бжакы шықәса иҵхьоу ирылагӡаны аҭыԥантәи ашьхарыуа жәларқәа аԥсилқәеи абазгқәеи ркультурақәа еилаҵәон, урҭ ирылаҵәон еиуеиԥшым егьырҭ акультурақәагьы - абырзенцәа, генуиаа, аурымқәа, византиаа, аҭырқәцәа, аџьамцәа, аурысцәа уҳәа аӡәырҩы.
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, ауаажәларра, акультура
ажәабжьқәа, ауаажәларра, акультура
Аҟәа ақалақь амш аҳаҭыр азы агәырӷьаратә усмҩаԥгатәқәа ҟалоит
10:30 03.07.2022 (ирҿыцуп: 10:57 03.07.2022) Есышықәса Аҟәа ақалақь амш азгәарҭоит ԥхынгәымза раԥхьатәи асабшазы, аха сынтәа уи Тамшьтәи адесант аныӡхыҵыз амш иахьақәшәаз азы амҽышахь ииагазарц ӡбан.
АҞӘА, ԥхынгәы 3 - Sputnik. Ԥхынгәы 3 рзы Аҟәа еиҿкаахоит ақалақь амш иазку агәырӷьаратә усмҩаԥгатәқәа, абри атәы
аанацҳауеит аҳҭнықалақь ахадара асаит.
Аныҳәа иалагоит асааҭ 12:00 рзы аҳҭнықалақь ахадара аҿаԥхьа иҟоу Ефрем Ешба ихьӡ зху апарк аҿы, ара имҩаԥысраны иҟоуп ахәыҷбаҳчақәа рааӡамҭацәа рконцерт, иара убас асахьақәа рконкурс, асахьақәеи анапкымҭақәеи рцәыргақәҵа, ауаҩы иоура зоуроу акьанџьақәа ршоу.
Асааҭ 16:00 рзы Самсон Ҷанба ихьӡ зху Аԥсуа драматә театр аҿаԥхьа иҟоу апарк аҿы иаатуеит "Аҟәа" захьӡу афотоцәыргақәҵа. Уа аҳҭнықалақь анхацәеи асасцәеи ирбар рылшоит ажәашықәсақәеи ашәышықәсақәеи рыла Аҟәа иахҭысуаз аҽыԥсахрақәа.
Асааҭ 19:00 рзы Амҳаџьырқәа рыԥшаҳәаҟны аевкалипт ду амҵан иқәгылоит ашәаҳәара-инструменталтә ансамбль "Гәында".
Иара убри аамҭазы, асааҭ 19:00 рзы аихамҩа аангыларҭа "Гәыма" аҿы акинотеатр аусура иалагоит, агәаҳәара змоу зегьы неины уа иахәаԥшыр рылшоит Аҟәа иазку акинофильмқәа.
Асааҭ 20:00 рзы Амҳаџьырқәа рыԥшаҳәаҿы иҟоу Сергеи Багаԥшь ихьӡ зху ашҭаҿы еиҿкаахоит аныҳәатә усмҩаԥгатә "Сықалақь Аҟәа".
Асааҭ 21:30 рзы иҟалоит агәырӷьаратә салиут, асааҭ 22:00 рзы - агәыԥ Red Rocks аконцерт.
Ақалақь амш иазку аныҳәа традициа бзиахеит Аҟәа. Есышықәса Аҟәа ақалақь амш азгәарҭоит ԥхынгәымза раԥхьатәи асабшазы, аха сынтәа уи Тамшьтәи адесант аныӡхыҵыз амш иахьақәшәаз азы амҽышахь ииагазарц ӡбан.
Аҟәа - ижәытәӡоу адунеи ақалақьқәа иреиуоуп. Раԥхьаӡа акәны ара ауаа реиланхарҭа шьақәгылеит ҳәа иазгәарҭоит ҳера ҟалаанӡа VI ашәышықәсазы, уи аахижьҭеи ҩ-нызқьи бжакы шықәса иҵхьоу ирылагӡаны аҭыԥантәи ашьхарыуа жәларқәа аԥсилқәеи абазгқәеи ркультурақәа еилаҵәон, урҭ ирылаҵәон еиуеиԥшым егьырҭ акультурақәагьы - абырзенцәа, генуиаа, аурымқәа, византиаа, аҭырқәцәа, аџьамцәа, аурысцәа уҳәа аӡәырҩы.
