https://sputnik-abkhazia.info/20220706/atylauai-aiabyrei-vartagaa--amerikati-aaralyk-aiaaa-irnao-akhasa-iazkny-1040073551.html

Атәылауаҩи аиҳабыреи: Вартагаа америкатәи аԥарԥалыкь аҵиаақәа ирнаҭо аԥхасҭа иазкны

Атәылауаҩи аиҳабыреи: Вартагаа америкатәи аԥарԥалыкь аҵиаақәа ирнаҭо аԥхасҭа иазкны

Sputnik Аҧсны

Аԥсны аҵиаақәа ркарантин азы аҳәынҭқарратә инспекциа аҩнуҵҟатәи акарантин аҟәша аиҳабы Анзор Вартагаа еиҭеиҳәеит америкатәи ахьычԥаԥыр атәылаҿы иахьазы... 06.07.2022, Sputnik Аҧсны

2022-07-06T20:10+0300

2022-07-06T20:10+0300

2022-07-06T20:19+0300

арадио

аԥсны

атәылауаҩи аиҳабыреи

аподкаст

https://cdnn1.img.sputnik-abkhazia.info/img/07e6/07/05/1040073664_0:0:2001:1125_1920x0_80_0_0_03c97b8a25e7e3d3017cc4d0ee294907.jpg

Америкатәи аԥарԥалыкь ҩаԥхьа Гәдоуҭа араион ақыҭақәак рҿы ицәырҵит ҳәа адырра ҟаиҵеит ашәахьа араион ахадараҿы есымчыбжьатәи аилацәажәараҟны ақыҭанхамҩа аҟәша аиҳабы Иури Кәарацхьиа. Аԥарԥалыкь рбеит ақыҭақәа Хыԥсҭа, Џьырхәа, Мгәыӡырхәа, Абӷархықә, Аҷандара.Аҵиаақәа ркарантин азы аҳәынҭқарратә инспекциа аҩнуҵҟатәи акарантин аҟәша аиҳабы Анзор Вартагаа арадио аефир аҟны иазгәеиҭеит уи аԥарԥалыкь Аԥсны араионқәа зегьы рҿы иахьазы ишцәырҵхьоу, амала атәыла мрагыларатәи ахәҭаҟны иаҳа еиҳауп. Сынтәа аԥхаррақәа иаҳа ихьшәаны иахьааз аҟынтә, америкатәи ахьычԥаԥыр уажәы актәи аҿиара мҩаԥысуеит."Актәи аҿиараҟны абагәа аҟаҵарахь идәықәлоит. Егьи амчыбжь азы ауп иаҳа ишәарҭаны, иҿкны ианыҟало", - иҳәеит Вартагаа.Иара иажәақәа рыла, аԥарԥалыкь иҿкны иаацәырҵуеит, ҩбаҟа шықәса рнаҩс иҟамызшәа иақәыӡӡаа ицоит, уи ус шакәу аршаҳаҭуеит 1985 шықәса аахыижьҭеи атәылаҟны аҭагылазаашьа."Иара (америкатәи аԥарԥалыкь) абиологиа злаҟоу ала ишнеиуа иқәыӡӡаауеит, нас аҿиара иалагоит. Иахьубаз, иаразнак аҵла амахә хҵәаны ибылтәуп. Иҳәатәуп, ишцәырҵыз иара зфо аҵарақәагьы. Ишаҳҳәо еиԥш усцәҟьа ишәарҭаӡам, иара иахҟьаны аҵиаа зегьы ҩаӡом, дырҩагь абӷьы дәықәлоит", - иҳәеит Вартагаа.Аицәажәара инарҭбааны ишәаҳар шәылшоит аудиофаил аҟны.

2022

Ажәабжьқәа

ab_AB

аԥсны, атәылауаҩи аиҳабыреи, аподкаст, аудио