Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Елҟан Ӷәазаа араӡны медал игеит атлетика хьанҭазы Урыстәыла ачемпионат аҿы

© Foto / Госкомспорт РАЭлкан Гвазава
Элкан Гвазава - Sputnik Аҧсны, 1920, 06.07.2022
Анапаҵаҩра
Yandex newsTelegram
Аԥсуа спортсмен Елҟан Ӷәазаа Аолимпиатә резерв иатәу Казантәи аҵараиурҭаҿы аҵара иҵоит, Марат Мадиаров инапхгарала иҽазыҟаиҵоит. Аиндаҭларақәа рҿы Ҭаҭарсҭан ахьӡала дықәгылеит.
АҞӘА, ԥхынгәы 6 – Sputnik. Аԥсуа спортсмен Елҟан Ӷәазаа араӡны медал игеит атлетика хьанҭазы Урыстәыла ачемпионат аҿы ҳәа аанацҳауеит Аԥсны аспорт азы Аҳәынҭеилакы.

Ӷәазаа 61 кьыла рҟынӡа зкапануаз дрындаҭло 126 кьыла иҟаз аштанга шьҭихит. Уи адагьы агәыҵасрала 146 кьыла иҟаз аштанга шьҭихит. Иааидкыланы 272 кьыла ҟалеит. Абри алагьы араӡны медал ианашьахеит.

Атлетика хьанҭазы Урыстәыла иаарту ачемпионат Хабаровск ԥхынгәы 4 - 9 рзы имҩаԥысуеит. Иара иалахәуп 240-ҩык аспортсменцәа Урыстәыла арегионқәа 68 рҟынтәи. Иара убасгьы ачемпионат иалахәуп 20-ҩык аспортсменцәа Белоруссиантәи.
Елҟан Ӷәазаа Урыстәыла дачемпионуп, Урыстәыла Ахраҿа ианашьоуп, Урыстәыла ачемпионатқәа рҿы араӡны ҩаӡара имоуп, дрекордсменуп, Урыстәыла аспорт азҟаза ҳәа ахьӡ ихуп.
Уаанӡа аспортсмен Д.И. Чагәаа ихьӡ зху Калдахәаратәи ашкол-интернат атлетика хьанҭа асекциаҿы иҽазыҟаиҵон СССР аспорт азҟаза Иасон Кьахьба инапхгарала.
Ажәабжьқәа зегьы
0