https://sputnik-abkhazia.info/20220706/ii-zhlarbzharati-aoperat-festival-opera-viva-aatit-aa-1040083592.html

II Жәларбжьаратәи аоператә фестиваль "Opera Viva" аатит Аҟәа

II Жәларбжьаратәи аоператә фестиваль "Opera Viva" аатит Аҟәа

Sputnik Аҧсны

II Жәларбжьаратәи аоператә фестиваль аркра иазку аконцерт иалагоит ԥхынгәы 7 асааҭ 17:00 рзы Пицундатәи ауахәамаҿы. 06.07.2022, Sputnik Аҧсны

2022-07-06T10:04+0300

2022-07-06T10:04+0300

2022-07-06T10:41+0300

аԥсны

ажәабжьқәа

акультура

https://cdnn1.img.sputnik-abkhazia.info/img/07e6/07/05/1040080686_0:85:1620:996_1920x0_80_0_0_83d2a27bdb5e097d7483a13f6b4c5d8e.jpg

АҞӘА, ԥхынгәы 6 – Sputnik, Бадраҟ Аҩӡба. Аԥсны акультура аминистрра еиҿнакааз II Жәларбжьаратәи аоператә фестиваль "Opera Viva" аатит Аҟәа, Самсон Ҷанба ихьӡ зху адраматә театр аҿы ԥхынгәы 5 рзы. Аконцерт аартуа, амузыкаҭҵааҩы, Аҟәатәи амузыкатә ҵараиурҭа арҵаҩы Асида Царгәышԥҳа илҳәеит афестиваль ииасыз ашықәс азы атеатр аԥхьа иҟоу ашҭаҿы ишымҩаԥгаз. Афестиваль аиҿкааҩцәа иара еиҭа имҩаԥгазарц агәаҳәара роуит. "Сынтәа иара хымш имҩаԥыслоит. Иахьа аоператә музыка иахәылԥазуп, уаҵәы – афортепианотә концерт. II Жәларбжьаратәи аоператә фестиваль аркра иазку аконцерт иалагоит ԥхынгәы 7 асааҭ 17:00 рзы Пицундатәи ауахәамаҿы", - лҳәеит лара. Асида Царгәышԥҳа иазгәалҭеит уаанӡатәи афестиваль аҿы ишынарыгӡоз италиатәи акомпозитор Џьоаккино Россини ирҿиамҭақәа рымацара. "Уажәтәи апрограмма хкырацәала еилоуп. Оператә миксуп. Еиуеиԥшым аформақәа, ариақәа, ансамбльқәа, ахорқәеи аоркестртә епизодқәеи. Франциатәи, италиатәи, урыстәылатәи аоператә школқәа џьарак еидкылоуп", - лҳәеит лара. Аконцерт зегь еидызкыло абзиабара аҭоурых ауп лҳәоит Царгәышԥҳа. Афестиваль иалахәхоит Аԥсны ахортә капелла, Аԥсны акамертә оркестр, Адыгеиатәи аҳәынҭқарратә симфониатә оркестр, Чаиковски ихьӡ зху Москватәи аҳәынҭқарратә консерваториа Акамертә хор. Аоператә ариақәа нарыгӡоит: Нинель Бжьаниаԥҳа, Гәлиза Аҩӡԥҳа, Нана Черқьезиаԥҳа, Алхас Ферзба, Асҭамыр Кәыҵниа, Кристина Ешԥҳа, Сирануш Гаспариан, Атеатр ду аоператә труппа асолист Бехзод Давронов. Аконцерт далахәуп ауарӷанарҳәаҩы Лука Гаделиа. Ԥхынгәы 6 рзы Аԥсуа драматә театр аҿы имҩаԥысуеит аконцерт "Piano Duo". II Жәларбжьаратәи аоператә фестиваль аркра иазку аконцерт мҩаԥгахоит ԥхынгәы 7 асааҭ 17:00 рзы Пицундатәи ауахәамаҿы.

https://sputnik-abkhazia.info/20220629/amuzykat-festival-opera-viva-magakhoit-aa-1039881420.html

2022

Ажәабжьқәа

ab_AB

ажәабжьқәа, акультура