https://sputnik-abkhazia.info/20220711/sergei-shamba-ukraina-iou-akhysa-rzy-aduneit-sistema-aiakra-maysueit-1040182390.html
Сергеи Шамба Украина иҟоу ахҭысқәа рзы: адунеитә система аиҭакра мҩаԥысуеит
Сергеи Шамба Украина иҟоу ахҭысқәа рзы: адунеитә система аиҭакра мҩаԥысуеит
Sputnik Аҧсны
Аԥсны ахада Аслан Бжьаниа ԥхынгәы 7 рзы аусутә еиԥылара мҩаԥигеит атәыла атәылахьчара аминистрреи Урыстәыла атәылахьчара аминистрра рхаҭарнакцәеи алархәны. 11.07.2022, Sputnik Аҧсны
2022-07-11T09:10+0300
2022-07-11T09:10+0300
2022-07-11T09:10+0300
аԥсны
ажәабжьқәа
аполитика
украина
https://cdnn1.img.sputnik-abkhazia.info/img/07e5/03/05/1031956765_0:34:1400:822_1920x0_80_0_0_63f7f11b2df8703a12946b0a36e2e6bd.jpg
АҞӘА, ԥхынгәы 11 – Sputnik, Бадраҟ Аҩӡба. Иахьатәи аамҭазы иаҳбо аиҿагылара Урыстәылеи Украинеи реиҿагылара мацара акәӡам, адунеитә ҟазшьа змоу еиҿагылароуп, адунеитә система аҽеиҭакра иаҿуп уҳәар алшоит ҳәа азгәеиҭеит Аԥсны Ашәарҭадаратә Хеилак амаӡаныҟәгаҩ Сергеи Шамба, арадио Sputnik аинтервиу аҭо.Аԥсны Ашәарҭадаратә Хеилак амаӡаныҟәгаҩ даҽазнык иргәалаиршәеит Қырҭтәыла Урыстәыла иаҿагыланы аҩбатәи афронт аанартыр алшоит ҳәа ацәажәарақәа изныкымкәа ишцәырырго. Аха Қырҭтәыла аиҳабыра ари аҩыза ашьаҿа аҟаҵара макьана рҽацәхьаркуеит, избанзар уи рҳәынҭқарра еиланажьыр алшоит. Аха, убри аан, аԥсуа ган уи аҩыза ҟалар шалшо еилкааны зегь рыла аҽазыҟаҵаны иҟазароуп иҳәеит Шамба."Аҵыхәтәантәи аамҭазы Аԥсны ахадеи арратә усбарҭеи азҽлымҳара ду арҭоит ҳареи Қырҭтәылеи Егры иҳабжьоу аҳәааи амшынтә ҳәааи. Урыстәыла аделегациа арра-мшынтә флот аконтр-адмирал напхгара ахьеиҭоз мацара иунарбоит мшынла Аԥсны аҳәаа аҵак ду шамоу", - иҳәеит Ашәарҭадаратә Хеилак амаӡаныҟәгаҩ.Шамба иазгәеиҭеит Аԥсны аҵакыраҿы иаку урыстәылатәи арратә база аԥҵаразы аиқәшаҳаҭра нап шаҵаҩыз 2010 шықәса рзы, уи иазԥхьагәанаҭоит ҳреспублика ашәарҭадара ахылаԥшра. Аиҩызареи астратегиатә партниорреи рзы аиқәшаҳаҭра акәзар, Аԥсни Урыстәылеи реиҩызаратә еизыҟазаашьақәа ҳәаақәнаҵоит."Аибашьра ҟалар, ари аиқәшаҳаҭра инақәыршәаны, аганқәа дара-дара реибахьчаразы игылоит. Украина иахьа имҩаԥысуа хьаас иҳамкыр ауам, ари адунеитә глобалтә политикатә процессуп. Аԥсны, абжьааԥны ишыҟалало еиԥш, урҭ ахҭысқәа ирыгәҭылакуп, избанзар ҳара акрызҵазкуа агеополитикатә регион ҳаҵанакуеит", - иҳәеит Сергеи Шамба.Аԥсны ахада Аслан Бжьаниа ԥхынгәы 7 рзы Аԥсни Урыстәылеи ртәылахьчара аминистррақәа рхаҭарнакцәа алархәны аиԥылара мҩаԥигеит. Аиԥылараан иалацәажәеит "Аԥсны Аҳәынҭқарра аҵакыраҿы иаку урыстәылатәи арратә база аҟазааразы Аԥсны Аҳәынҭқарреи Урыстәылатәи Афедерациеи реиқәшаҳаҭра" анагӡаразы иҟаҵатәу иазааҭгылеит.
https://sputnik-abkhazia.info/20220603/arynba-urystyla-imanago-aoperatsia-yda-aglobalt-iashamra-aagylaroup-a-akhiaait-1039365485.html
https://sputnik-abkhazia.info/20220707/aslan-bzhania-urystyla-atylakhchara-aministrra-akhaarnak-didikyleit-1040124747.html
украина
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аполитика, украина
ажәабжьқәа, аполитика, украина
Сергеи Шамба Украина иҟоу ахҭысқәа рзы: адунеитә система аиҭакра мҩаԥысуеит
Аԥсны ахада Аслан Бжьаниа ԥхынгәы 7 рзы аусутә еиԥылара мҩаԥигеит атәыла атәылахьчара аминистрреи Урыстәыла атәылахьчара аминистрра рхаҭарнакцәеи алархәны.
АҞӘА, ԥхынгәы 11 – Sputnik, Бадраҟ Аҩӡба. Иахьатәи аамҭазы иаҳбо аиҿагылара Урыстәылеи Украинеи реиҿагылара мацара акәӡам, адунеитә ҟазшьа змоу еиҿагылароуп, адунеитә система аҽеиҭакра иаҿуп уҳәар алшоит ҳәа азгәеиҭеит Аԥсны Ашәарҭадаратә Хеилак амаӡаныҟәгаҩ Сергеи Шамба,
арадио Sputnik аинтервиу аҭо.
"Адунеитә система анеилаҳа ашьҭахь, ҩ-мчык ракәын иҟаз - Еиду Америкатә аштатқәеи Асовет Еидгылеи. Иахьа Владимир Путин ари асистема иԥсахырц иҭахуп. Украина иҟоу аиҿагылара - ари Урыстәыла НАТО аблок иаҿагыланы ақәԥароуп, иара адунеи ҳаԥхьаҟа ишыҟалаша аӡбара даҿуп", - инаҵишьит иара.
Аԥсны Ашәарҭадаратә Хеилак амаӡаныҟәгаҩ даҽазнык иргәалаиршәеит Қырҭтәыла Урыстәыла иаҿагыланы аҩбатәи афронт аанартыр алшоит ҳәа ацәажәарақәа изныкымкәа ишцәырырго. Аха Қырҭтәыла аиҳабыра ари аҩыза ашьаҿа аҟаҵара макьана рҽацәхьаркуеит, избанзар уи рҳәынҭқарра еиланажьыр алшоит. Аха, убри аан, аԥсуа ган уи аҩыза ҟалар шалшо еилкааны зегь рыла аҽазыҟаҵаны иҟазароуп иҳәеит Шамба.
"Аҵыхәтәантәи аамҭазы Аԥсны ахадеи арратә усбарҭеи азҽлымҳара ду арҭоит ҳареи Қырҭтәылеи Егры иҳабжьоу аҳәааи амшынтә ҳәааи. Урыстәыла аделегациа арра-мшынтә флот аконтр-адмирал напхгара ахьеиҭоз мацара иунарбоит мшынла Аԥсны аҳәаа аҵак ду шамоу", - иҳәеит Ашәарҭадаратә Хеилак амаӡаныҟәгаҩ.
Шамба иазгәеиҭеит Аԥсны аҵакыраҿы иаку урыстәылатәи арратә база аԥҵаразы аиқәшаҳаҭра нап шаҵаҩыз 2010 шықәса рзы, уи иазԥхьагәанаҭоит ҳреспублика ашәарҭадара ахылаԥшра. Аиҩызареи астратегиатә партниорреи рзы аиқәшаҳаҭра акәзар, Аԥсни Урыстәылеи реиҩызаратә еизыҟазаашьақәа ҳәаақәнаҵоит.
"Аибашьра ҟалар, ари аиқәшаҳаҭра инақәыршәаны, аганқәа дара-дара реибахьчаразы игылоит. Украина иахьа имҩаԥысуа хьаас иҳамкыр ауам, ари адунеитә глобалтә политикатә процессуп. Аԥсны, абжьааԥны ишыҟалало еиԥш, урҭ ахҭысқәа ирыгәҭылакуп, избанзар ҳара акрызҵазкуа агеополитикатә регион ҳаҵанакуеит", - иҳәеит Сергеи Шамба.
Аԥсны ахада Аслан Бжьаниа ԥхынгәы 7 рзы Аԥсни Урыстәылеи ртәылахьчара аминистррақәа рхаҭарнакцәа алархәны аиԥылара мҩаԥигеит.
Аиԥылараан иалацәажәеит "Аԥсны Аҳәынҭқарра аҵакыраҿы иаку урыстәылатәи арратә база аҟазааразы Аԥсны Аҳәынҭқарреи Урыстәылатәи Афедерациеи реиқәшаҳаҭра" анагӡаразы иҟаҵатәу иазааҭгылеит.
