Белоруссиа АША (ШОС) алаларазы азыҳәа ҟанаҵеит
© Sputnik / Виктор Толочко
/ Анапаҵаҩра
АША (ШОС) изаамҭанытәиу асаммит мҩаԥгахоит цәыббрамзазы, Самарканд.
АҞӘА, ԥхынгәы 15 - Sputnik. Белоруссиа Аусеицураз Шанхаитәи аиҿкаара иалаларц азыҳәа ҟанаҵеит, аиҿкаара азыхиоуп иахәҭаны иҟоу азиндырратә процедурақәа рымҩаԥгара, абри атәы иҳәеит апресс-конференциаҿы иара адиректор хада Чжан Мин.
"Белоруссиа официалла азыҳәа ҳзаанашьҭит АША аҽаларахәразы", - иҳәеит Чжан Мин.
Иара иажәақәа рыла ари иаанарԥшуеит Минск, АША адоуҳатә беиарақәа Белоруссиа адоуҳатә беиарақәа ирышьашәаланы ишахәаԥшуа.
Уаанӡа Узбекистан Адәныҟатәи аусқәа рминистр Владимир Норов иҳәахьан Белоруссиа АША атәыла-лахәылацәа рахь азыҳәа шыҟанаҵахьаз, Самарканд имҩаԥысуа асаммит аҿы адкыларатә процедура мҩаԥгахар шалшо.
АША (ШОС) - 2001 шықәсазы еиҿкааз жәларбжьаратә еиҿкаароуп. Иахьазы иара иалахәылоуп: Индиа, Ҟазахстан, Китаи, Киргизии, Урыстәыла, Таџьикистан, Пакистан, Узбекистан. Тәыла-наԥшыҩцәаны иҟоуп: Афганистан, Белоруссиа, Иран, Монголиа, тәыла-партниорцәаны - Азербаиџьан, Ермантәыла, Камбоџьа, Непал, Ҭырқәтәыла, Шри-Ланка. АША 2021 шықәсазы Душанбе имҩаԥысуаз асаммит аҿы Иран адкыларазы апроцедура иалагеит, адиалог азы апартниор истатус Египет, Катар, Саудтәи Аравиа рыҭаразы апроцедура мҩаԥган.
