Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Зметраж наӡоу афильм аҭыхрақәа мҩаԥысуеит Аԥсны

CC0 / / Камера
Камера - Sputnik Аҧсны, 1920, 16.07.2022
Анапаҵаҩра
Yandex newsTelegram
Урыстәылатәи афильм "Абзиабаразы" аҭыхрақәа хыркәшахоит ԥхынгәы 20 рзы.
АҞӘА, ԥхынгәы 16 - Sputnik, Бадри Есиава. Урыстәылатәи акиностудиа "Decaf Media" Аԥсны ақалақьқәеи араионқәеи жәпакы рҟны ҩымчыбжь рыҩнуҵҟа афильм "Абзиабаразы" аҭыхрақәа мҩаԥнагоит, абри атәы Sputnik иазеиҭеиҳәеит асахьа адиректор Андреи Кобачиов.
"Афильм ахьӡла иубоит афиьм абзиара ишазку. Иахьа апринц Ольденбургтәи ипарк аҟны аҭыхрақәа мҩаԥаагоит, уи ашьҭахь ҳаиасуеит гагратәи амшын аԥшаҳәахьы. Уи аԥхьа аус ҳуан Каман, Алашарбага, Афон ҿыц иҟоу аангыларҭа "Ԥсырцха", иара убас аҭыхрақәа мҩаԥаҳгараны ҳаҟоуп Хрушьиов иҳәынҭдачеи, Аҟәатәи абааши рҟны", - иҳәеит иара.
Кобачиов иажәақәа рыла, афильм Аԥсны иазкӡам. Асценариа ишаҳәо ала, аб иԥҳа лани иареи акурорт аҟны ишеибадырыз лзеиҭеиҳәоит. Кобачиов иҳәеит апроект авторцәа аҭыхрақәа рымҩаԥгаразы аҭыԥқәа ишрышьҭаз, аха Аԥсны алыркааит, уи аԥшӡара ихнахит ҳәа.
"Аханатә аҭыхрақәа Шәачеи Аԥсни имҩаԥаҳгарц азыӡбан, аха Аԥсынтәыла аԥшӡара анаҳба иаҳгәаԥхеит, аҭыхрақәа зегьы арахь ииаҳгеит", - иҳәеит иара.
Аҭыхратә гәыԥ шьақәылоуп 80-бык рыла. Ихадоу арольқәа нарыгӡоит Павел Маиков, Егор Дронов, Екатерина Стулова, Влад Прохоров, Анфиса Черных. Арежиссиор - Юрии Шаров, аоператор - Павел Делиавски.
Аҭыхратә гәыԥ алахәылацәа аамҭа рацәан ишрымамгьы амшын аҟны рҽыркәабоит, аԥсуа чысқәа ргьама рбоит, аҭыԥ ԥшӡарақәа ирҭаауеит.
Аԥсны аҭыхрақәа ирылагеит ԥхынгәы 1 азы, ихыркәшахоит ԥхынгәы 20 рзы. Афильм аҭыжьра азгәаҭоуп 2023 шықәса хәажәкырамза ма жәабранмзазы.
Съемки фильма Детство Чика - Sputnik Аҧсны, 1920, 21.06.2022
Аԥсны
Москва идырбахоит Аԥсны иҭырхыз афильм "Чик ихәыҷра"
Ажәабжьқәа зегьы
0