https://sputnik-abkhazia.info/20220718/1040328328.html
Ажәытәра ахьыҵырхуа: Аҟәатәи абааҿы археологиатә ԥшаарақәа шымҩаԥысуа
Ажәытәра ахьыҵырхуа: Аҟәатәи абааҿы археологиатә ԥшаарақәа шымҩаԥысуа
Аԥснытәи аҳәынҭқарратә университет аҭоурых азанааҭ астудентцәа аԥхынтәи апрактика аамҭа иалагӡаны археологиатә ԥшаарақәа мҩаԥыргоит Аҟәатәи абаа аҵакыраҿы. 18.07.2022, Sputnik Аҧсны
2022-07-18T12:40+0300
2022-07-18T12:40+0300
2022-07-18T15:28+0300
аԥсны
афотосахьақәа
акультура
/html/head/meta[@name='og:title']/@content
/html/head/meta[@name='og:description']/@content
https://cdnn1.img.sputnik-abkhazia.info/img/07e6/07/11/1040316575_0:161:3067:1886_1920x0_80_0_0_a154286b993d7b70607b1cdc23b42019.jpg
Ажрақәа рҳәаа иҭагӡаны иқәгылоу адҵақәа иреиуоуп Аԥсны аҳ Қьалышьбеи Чачба-Шервашиӡе анышә дахьамоу аҭыԥ аԥшаара. 2022 шықәса рзы иара диижьҭеи 275 шықәса ҵуеит.Археологиатә жрақәа рнапхгаҩы, аҭоурыхтә ҭҵаарадыррақәа ркандидат, ААУ аҭоурыхтә факультет адекан Алик Габелиа иажәақәа рыла, идырны иҟоуп Қьалышбеи Аҟәатә абаа аҵакыраҿы дышжу. Ара иҳаҭгәынгьы ыҟан. Аха инышәынҭра иҳаҩсыз ашәышықәса 30-тәи ашықәсқәа раан еилаԥырххааит. Иахьатәи аамҭазы иара дахьжыҵәҟьоу аҭыԥ еилкааны иҟаӡам. Убри азы аԥшаарақәа рымҩаԥгара уадаҩуп. Аҟазацәа ишырҳәо ала, ари аҩыза аусура амҩаԥгаразы алшара дуқәа аҭахуп.
Sputnik Аҧсны
media@sputniknews.com
+74956456601
MIA „Rosiya Segodnya“
2022
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
фото, афотосахьақәа, акультура
Ажәытәра ахьыҵырхуа: Аҟәатәи абааҿы археологиатә ԥшаарақәа шымҩаԥысуа
12:40 18.07.2022 (ирҿыцуп: 15:28 18.07.2022) Аԥснытәи аҳәынҭқарратә университет аҭоурых азанааҭ астудентцәа аԥхынтәи апрактика аамҭа иалагӡаны археологиатә ԥшаарақәа мҩаԥыргоит Аҟәатәи абаа аҵакыраҿы.
Ажрақәа рҳәаа иҭагӡаны иқәгылоу адҵақәа иреиуоуп Аԥсны аҳ Қьалышьбеи Чачба-Шервашиӡе анышә дахьамоу аҭыԥ аԥшаара. 2022 шықәса рзы иара диижьҭеи 275 шықәса ҵуеит.
Археологиатә жрақәа рнапхгаҩы, аҭоурыхтә ҭҵаарадыррақәа ркандидат, ААУ аҭоурыхтә факультет адекан Алик Габелиа иажәақәа рыла, идырны иҟоуп Қьалышбеи Аҟәатә абаа аҵакыраҿы дышжу. Ара иҳаҭгәынгьы ыҟан. Аха инышәынҭра иҳаҩсыз ашәышықәса 30-тәи ашықәсқәа раан еилаԥырххааит. Иахьатәи аамҭазы иара дахьжыҵәҟьоу аҭыԥ еилкааны иҟаӡам. Убри азы аԥшаарақәа рымҩаԥгара уадаҩуп. Аҟазацәа ишырҳәо ала, ари аҩыза аусура амҩаԥгаразы алшара дуқәа аҭахуп.
Астудентцәа рыпрактика аҳәаақәа ирҭагӡаны Аҟәатәи абааҿы ажрақәа цоижьҭеи ҩымчыбжь ҵуеит.
Ари аҭоурых-культуратә ҭыԥ аҿы ариабжьарак ирыԥшаахьеит аҳаԥшьақәа рыԥҽыхақәа, акыц ашьҭақәа.
Зегь реиҳа ирацәаны ирԥыхьашәеит абзарбзан хылҳәақәа - урҭ 100 иреиҳауп.
Арҭ ажрақәа напхгара рызҭо Алик Габелиа игәаанагарала, ари аҭыԥ аҿы аџьаԥҳаныҵәахырҭа ыҟазар ҟаларын.
Астудентцәа ирывагыланы ажрақәа ирылахәуп зхала изгәаԥханы инеиз аӡәырҩы, ахәыҷқәагьы убрахь иналаҵаны. Зегьы иреиҵбу ԥшьышықәса лхыҵуеит, уи Алик Габелиа имаҭа Емилиа лоуп.
Аҟәатәи абаа археологцәа азҿлымҳауижьҭеи акыр ҵуеит - XIX ашәышықәса инаркны.
Ари абаҟа акымкәа аҿыгҳарақәа амоуп, иара иагәылаҵәахуп 2000 шықәса инареиҳау Аԥсны аҭоурых.
Ара иуԥылоит антикатәи аамҭа иаҵанакуа аԥшаахәқәа инадыркны асовет аамҭа иаҵанакуа рҟынӡа.
Археологцәа ара ирԥшаахьан еиуеиԥшым ашәышықәсақәа ирыҵаркуа абаа ҭыӡқәа, заатәи ақьырсианра иаҵанакуа абаҟақәа хԥа, аа-ҭӡык змоу ауахәама, ақьырсиантә ԥсыжырҭақәа.
Ари арԥыс ажрақәа дрылахәхарц ихала дааит.
Аволонтиорцәа аметаллԥшаага ала ирышьҭоуп XIX ашәышықәса иаҵанакуа абзарбзан хылҳәақәа.
Ари XIX ашәышықәсазы рхы иадырхәоз ахы ауп.
Аҷкәын анышә иаганы иҟоу ахы арыцқьара даҿуп.
Арҭ - Аԥснытәи аҳәынҭқарратә университет I акурс астудентцәа роуп.
Зегьы иреиҵбу аԥшааҩ - ԥшьышықәса зхыҵуа Емилиа.
![Аҭоурых-архитектуратә ҳәырԥсарра "Аҟәатәи абаа" - иуникалтәу баҟоуп, уи иагәылаҵәахуп еиуеиԥшым акультуратә ҿыгҳарақәа, ҳера ҟалаанӡа VI ашәышықәса инаркны ҳара ҳера XX ашәышықәса аҟынӡа. - Sputnik Аҧсны](https://cdnn1.img.sputnik-abkhazia.info/img/07e6/07/12/1040331240_0:0:3067:2047_600x0_80_0_1_4fc0588ff7a70b1373010895e6fe77f1.jpg "Аҭоурых-архитектуратә ҳәырԥсарра "Аҟәатәи абаа" - иуникалтәу баҟоуп, уи иагәылаҵәахуп еиуеиԥшым акультуратә ҿыгҳарақәа, ҳера ҟалаанӡа VI ашәышықәса инаркны ҳара ҳера XX ашәышықәса аҟынӡа.")
Аҭоурых-архитектуратә ҳәырԥсарра "Аҟәатәи абаа" - иуникалтәу баҟоуп, уи иагәылаҵәахуп еиуеиԥшым акультуратә ҿыгҳарақәа, ҳера ҟалаанӡа VI ашәышықәса инаркны ҳара ҳера XX ашәышықәса аҟынӡа.
