Микрофон  - Sputnik Аҧсны, 1920
Арадио

Ҭыжәԥҳа акультура-усутә ҭыԥ "Гәыма" азы: ас еиԥш аформатқәа аԥхьаҟа иаҳа ирацәахароуп

Ҭыжәԥҳа акультура-усутә ҭыԥ "Гәыма" азы:
Анапаҵаҩра
Аҟәа аихамҩатә аангыларҭа "Гәыма" аҟны шықәсык ҵуеит еиҿкаауижьҭеи акультуратә усутә ҭыԥ. Ари аамҭазы ирылдыршаз, рхықәкы ианагӡашьоу атәы еиҭалҳәеит "Гәыма" апроектқәа рхылаԥшҩы Шьарида Ҭыжәԥҳа.
Ари ашықәс иалагӡаны "Гәыма" аҿы еиуеиԥшым апроектқәа нагӡан. Имҩаԥысуан еиуеиԥшым ацәыргақәҵақәа, аӡыргарақәа, еиҿкаан аџьармыкьа амшқәа уҳәа. Аханатә апроектқәа ахьынаугӡаша ҭыԥк аҳасабала иахәаԥшуазҭгьы аиҿкааҩцәа, иахьазы убасгьы ауаа рыԥсы ахьыршьо, акаҳуа, ҵәыцак аҩы ахьыржәуа акәны иҟалеит "Гәыма" ҳәа азгәалҭеит Ҭыжәԥҳа.
"Сгәы иаанагоит ари ашықәс азы аҿар рааӡара аус аганахьала иҟаҳҵаз рацәоуп ҳәа. Раԥхьаӡа ианеиҿаҳкаа (акультура-усутә ҭыԥ "Гәыма" - азгә.), ауаа анеира, еиуеиԥшым аусмҩаԥгатәқәа рхы рылархәра иацәыԥхашьон, аха иахьа иргәаԥханы, азҿлымҳара аарԥшны рхы рыладырхәуеит. Сгәы иаанагоит ас еиԥш иҟоу аформатқәа аԥхьаҟа иаҳа ирацәахароуп ҳәа, избанзар ас еиԥш азнеишьа, аинформациа азнагара аҿар иаҳа ирыдыркылоит", - лҳәеит Ҭыжәԥҳа.
Аицәажәара иаҳа инеиҵыхны ишәаҳар шәылшоит аудиофаил аҟны хыхь.
Ажәабжьқәа зегьы
0