Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Ҳагба ақыҭатә шьапылампыл азы: аизҳараз алшарақәа рацәоуп

© Sputnik / Владимир Песня / Афотобанк ахь аиасраФутбол.
Футбол. - Sputnik Аҧсны, 1920, 25.07.2022
Анапаҵаҩра
Yandex newsTelegram
Ақыҭатә командақәа рыбжьара ашьапылампыл азы аицлабра аатит аҟәатәи астадион "Динамо" аҿы ԥхынгәы 23 рзы.
АҞӘА, ԥхынгәы 25 - Sputnik. Ақыҭатә шьапылампыл апрофессионалтә еизҳаразы алшарақәа рацәаны иамоуп ҳәа арадио Sputnik иазеиҭеиҳәеит Аԥсны ашьапылампыл азы Афедерациа ахада Ҭарашь Ҳагба.

"Раԥхьа иргыланы аспорт ахь аинтерес ыҟоуп. Ҳара иаабоит ақыҭатә командақәа шыхәмаруа. Уи адагьы ахәмарыҩцәа рхы аадырԥшыртә алшара рнаҭоит, апрофессионалтә шьапылампыл ахь инеиратә ирыцхраауеит. Иара убасгьы аҵакы амоуп ахәмарыҩцәа реинырра, реиҭанеиааира", - иҳәеит Ҳагба.

Аицлабра иалахәуп ақыҭақәа Лыхны, Дәрыԥшь, Ҷлоу, Кәтол, Алаҳаӡы, Приморск, Џьырхәа, Ҵарча, Бзыԥҭа, Аӡҩыбжьа, Уарча, Ешыра рҟынтәи 12 команда.
Турнир по футболу среди сельских команд открылся в Абхазии - Sputnik Аҧсны, 1920, 23.07.2022
Аԥсны
Ақыҭақәа рыбжьара ашьапылампыласразы аицлабра хацыркуп
Ақыҭақәа ркомандақәа 15 шықәса еиҳабу рылахәуп, жәеиза-жәеизаҩык ыҟоуп. Аартра аҽны Ҷлоуи Лыхни ркомандақәа еиԥылеит. 3:1 ҳәа ҷлоуаа аиааира ргеит. Иара убас Алаҳаӡы-Уарча хәмаруан, 1:6 ҳәа алаҳаӡаа аиааит.
Атурнир афинал мҩаԥгахоит нанҳәа 7 рзы. Аиааира зго иранашьахоит ахраҿақәеи амедалқәеи.
Ажәабжьқәа зегьы
0