https://sputnik-abkhazia.info/20220728/150-million-maa-abiuett-asabyrba-aitra-iazouzhkhoit-1040578066.html
150 миллион мааҭ абиуџьеттә ҳасабырба аиӷьтәра иазоужьхоит
150 миллион мааҭ абиуџьеттә ҳасабырба аиӷьтәра иазоужьхоит
Sputnik Аҧсны
Абиуџьеттә ҳасабзуреи аҳасабырбамҩаԥгареи реиӷьтәраз апрограмма хышықәса азоужьуп. 28.07.2022, Sputnik Аҧсны
2022-07-28T19:10+0300
2022-07-28T19:10+0300
2022-07-28T19:10+0300
аԥсны
ажәабжьқәа
https://cdnn1.img.sputnik-abkhazia.info/img/07e6/07/1b/1040556092_0:160:3073:1888_1920x0_80_0_0_62e8aea8083a815527eb29261d124bb9.jpg
АҞӘА, ԥхынгәы 28 - Sputnik, Бадраҟ Аҩӡба. Аминистрцәа реилазаара ақәҵара аднакылеит "2022-2024 шш. рзы Аԥсны Аҳәынҭқарра абиуџьеттә ҳасабзуреи аҳасабырбамҩаԥгареи реиӷьтәра" азы ахықәкытә программа.Адокумент рыдигалеит аԥыза-министр актәи ихаҭыԥуаҩ, афинансқәа рминистр Владимир Делба. Иара иҳәеит Аԥсны абиуџьеттә система аиӷьтәразы ихадараны ишыҟоу ҳаамҭазтәи аинформациатә система аларҵәара, абиуџьеттә процесс еилыкка, хра аманы аҟаҵара, абиуџьеттә ныхрақәа рхылаԥшра асистема аԥҵара.Иара убасгьы иҳәеит аҳәынҭқарратә финансқәа хра рыманы рхархәара иалнаршоит аекономикатә ҿиареи ауааԥсыра рыбзазара аиӷьтәреи.Апрограмма аҳәаақәа ирҭагӡаны иазԥхьагәаҭоуп аусбарҭақәа рҿы аинформациатә технологиа ҿыцқәа ралагалара. Ари аҳәынҭқарратә ӡбарақәа шьаҭас ирымоу адыррақәа рхаҭабзиара ҳаранакуеит.Аԥсахрақәа ирыҵаркраны иҟоуп 400 рҟынӡа биуџьеттә усбарҭа. Иазырхиоуп "апилоттә проект", 10 еиҿкаарак алархәны. Уи алҵшәақәа рыла ишьақәыргылахоит апрограмма агха-ԥхақәа, иалагалахоит ариашарақәа.Анаҩс, Аԥсны Аҳәынҭқарра абиуџьеттә ҳасабзуреи аҳасабырбамҩаԥгареи ареспубликатә биуџьеттә закәанԥҵара иақәшәо еиҿкаахоит.
https://sputnik-abkhazia.info/20220728/aministrtsa-reilazaara-arezervt-fond-aynt-aarazouzhra-akhyrkharaa-aaoup-1040573103.html
https://sputnik-abkhazia.info/20220728/aministrtsa-2023-shysazti-asotsial-ekonomikat-iaraz-aindikativt-plan-rydyrkyleit-1040569745.html
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
150 миллион мааҭ абиуџьеттә ҳасабырба аиӷьтәра иазоужьхоит
Абиуџьеттә ҳасабзуреи аҳасабырбамҩаԥгареи реиӷьтәраз апрограмма хышықәса азоужьуп.
АҞӘА, ԥхынгәы 28 - Sputnik, Бадраҟ Аҩӡба. Аминистрцәа реилазаара ақәҵара аднакылеит "2022-2024 шш. рзы Аԥсны Аҳәынҭқарра абиуџьеттә ҳасабзуреи аҳасабырбамҩаԥгареи реиӷьтәра" азы ахықәкытә программа.
Хышықәса рыҩнуҵҟа апрограмма 160 миллион мааҭ азоужьхоит. Урҭ рҟынтәи 20 миллион 2022 шықәсазы иныххоит, 90 миллион - 2023 шықәсазы, 50 миллион - 2024 шықәсазы.
Адокумент рыдигалеит аԥыза-министр актәи ихаҭыԥуаҩ, афинансқәа рминистр Владимир Делба. Иара иҳәеит Аԥсны абиуџьеттә система аиӷьтәразы ихадараны ишыҟоу ҳаамҭазтәи аинформациатә система аларҵәара, абиуџьеттә процесс еилыкка, хра аманы аҟаҵара, абиуџьеттә ныхрақәа рхылаԥшра асистема аԥҵара.
Иара убасгьы иҳәеит аҳәынҭқарратә финансқәа хра рыманы рхархәара иалнаршоит аекономикатә ҿиареи ауааԥсыра рыбзазара аиӷьтәреи.
Апрограмма аҳәаақәа ирҭагӡаны иазԥхьагәаҭоуп аусбарҭақәа рҿы аинформациатә технологиа ҿыцқәа ралагалара. Ари аҳәынҭқарратә ӡбарақәа шьаҭас ирымоу адыррақәа рхаҭабзиара ҳаранакуеит.
Аԥсахрақәа ирыҵаркраны иҟоуп 400 рҟынӡа биуџьеттә усбарҭа. Иазырхиоуп "апилоттә проект", 10 еиҿкаарак алархәны. Уи алҵшәақәа рыла ишьақәыргылахоит апрограмма агха-ԥхақәа, иалагалахоит ариашарақәа.
Анаҩс, Аԥсны Аҳәынҭқарра абиуџьеттә ҳасабзуреи аҳасабырбамҩаԥгареи ареспубликатә биуџьеттә закәанԥҵара иақәшәо еиҿкаахоит.
