Микрофон  - Sputnik Аҧсны, 1920
Арадио

Ашәба афестиваль "Абаза" азы: иҟаз агәырӷьара нҵәаӡомызт

Ашәба афестиваль «Абаза» азы: иҟаз агәырӷьара нҵәаӡомызт
Анапаҵаҩра
Yandex newsTelegram
Ҟарачы-Черкесиа имҩаԥысыз акультура-спорттә фестиваль "Абаза" алахәылацәа ироуз ацәаныррақәеи, аныҳәа иацыз агәырӷьареи ртәы арадио Sputnik аефир аҿы еиҭеиҳәеит Адунеизегьтәи аԥсуа-абаза конгресс алахәыла Арда Ашәба.
Абаза-аԥсуа етнос аҿиара ацхраараз Ассоциациа "Алашара", Адунеизегьтәи аԥсуа-абаза конгресс рыцхыраарала Ҟарачы-Черкесиа имҩаԥысит Акультура-спорттә фестиваль "Абаза". уи иалахәын Аԥснынтәи аспортсменцәа 26-ҩык.
Ашәба еиҭеиҳәеит хымш ицоз афестиваль шеиҿкааз. Акультуратәи аспорттәи усмҩаԥгатәқәа ахәаԥшразы ауаа рацәа шеизаз.
"Сара сзы ихадаз аишьцәа реибабара акәын: агәылашара, аразра, аибаҭаххара, ҳаҭыр еиқәҵара акәын иубоз. Аҿар роума, аиҳабыратә абиԥара роума реиԥырҵра иахыццакӡомызт, иҟаз агәырӷьара нҵәаӡомызт. Ҽааны, Ԥсыж ақыҭан имҩаԥыргараны иҟоуп, аиаша сҳәап, абри амш ааиндаз ҳәа уҟаларатәы агәаԥхареи, агәырӷьареи, алахҿыхреи узыннажьуеит. Еиҭа лассы ҳаибабандаз ҳәа ззуҳәаша мшны иаанхеит", - азгәеиҭеит Ашәба.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0