Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

XIX ашәышықәса абзарбзан акәзар ҟалоит: археологцәа Аҟәатәи абааҿы ирԥшааз

© Sputnik / Леон Адлейба Раскопки в Сухумской крепости
Раскопки в Сухумской крепости - Sputnik Аҧсны, 1920, 30.07.2022
Анапаҵаҩра
Yandex newsTelegram
Аҟәатәи абааҿы имҩаԥысуа археологиатә жрақәа раан иара убас ԥшаатәыс ирымоуп Аԥсны аҳ Қьалышьбеи Чачба инышәынҭра.
АҞӘА, ԥхынгәы 30 – Sputnik, Бадраҟ Аҩӡба. Аҟәатәи абааҿы археологцәа имҩаԥыргоз ажрақәа раан ирбеит XIX ашәышықәса иаҵанакуа абзарбзан ауп ҳәа агәаанагара зызрымоу аԥшаах, абри атәы Sputnik иазеиҭеиҳәеит аҭоурыхтә факультет адекан Алик Габелиа.
"XIX ашәышықәсазы Аҟәатәи абааҿы игылан аурыс ар ргарнизон, ҳара лассы-лассы иаҳԥыхьашәоит абзарбзан хылҳәақәа, уажәы абзарбзан ауп ззуҳәаша ак ҳаԥшааит. Ус зысҳәо, макьана иҵҳамхӡацт ауп", - иҳәеит иара.
Габелиа иажәа иацҵо иҳәеит Аԥснытәи аҳәынҭқарратә университет аекспедициа Аҟәатәи абааҿы есԥхынра аус ауеит акыршықәса инеиԥынкыланы ҳәа.
"Есԥхынра ҳара актәи акурс астудентцәа археологиатә практика рзымҩаԥаагоит, сынтәатәи ԥхынгәымзатәи апрактика хҳаркәшахьеит, аха ҳара ҳусура иацаҳҵоит", - ҳәа азгәеиҭеит иара.
Ажрақәа ахьынӡамҩаԥыргоз аҭҵаарадырраҿы азҿлымҳара зырҭаша артефактқәа акыр рыԥшааит. Урҭ макьана аус рыдулатәуп, иҭҵаатәуп иҳәеит аекспедициа анапхгаҩы.
"Ара еиуеиԥшым амаҭәахәқәа ҳаԥшааит, акыцлыхқәа, аџьаз, ахаҳә ирылху аԥшаахқәа. Аҟәатәи абааҿы ирацәоуп иуԥыхьашәо акрызҵазкуа ажәытә маҭәарқәа, избанзар ари абаҟа археологиатә ҿыгҳарақәа рацәаны иамоуп, заатәи антикатәи аамҭа инаркны XIX ашәышықәсанӡа. Уажәы ҳара XIX ашәышықәса иаҵанакуа аҿыгҳара аус адааулоит", - иҳәеит Габелиа.
Аԥсны аҭоурых зегьы згәыҵаҵәаху: Аҟәатәи абааҿы аԥшаарақәа  - Sputnik Аҧсны, 1920, 18.07.2022
Аԥсны
Аԥсны аҭоурых зегьы згәыҵаҵәаху: Аҟәатәи абааҿы аԥшаарақәа
Археолог иҳәеит Аҟәатәи абааҿы имҩаԥысуа археологиатә жрақәа раан иара убас ԥшаатәыс ишрымоу Аԥсны аҳ Қьалышьбеи Чачба инышәынҭра.
"Ҳара агәыӷра ҳамоуп ҳусурақәа рҳәаа иҭагӡаны Қьалышьбеи инышәынҭра ашьҭрақәа ҳԥыхьашәап ҳәа", - иҳәеит аҵарауаҩ.
Аҟәатәи абааҿы ажрақәа аԥхынра зегьы рымҩаԥгара ргәы иҭоуп.
Ҳазлацәажәаша ҳамоуп: Габелиа Аҟәатәи абааҟны сынтәа ажрақәа раан ирԥшааз атәы - Sputnik Аҧсны, 1920, 16.07.2022
Арадио
Ҳазлацәажәаша ҳамоуп: Габелиа Аҟәатәи абааҟны сынтәа ирԥшаахьоу атәы
Аҭоурых-архитектуратә баҟа "Аҟәатәи абаа" – иуникалтәу ҭоурыхтә баҟоуп, ара иҟоуп еиуеиԥшым акультуратә ҿыгҳарақәа - ҳера ҟалаанӡа VI ашәышықәса инаркни ҳара ҳера XX ашәышықәсанӡеи ирыҵаркуа.
Ажәабжьқәа зегьы
0