Микрофон  - Sputnik Аҧсны, 1920
Арадио

Атәылауаҩи аиҳабыреи: Кәыриԥа агәамсам аизгареи уи аилыргареи иазкны

Атәылауаҩи аиҳабыреи: Кур-иԥа агәамсам аизгареи уи аилыргареи иазкны
Анапаҵаҩра
Yandex newsTelegram
Амҩа ианыжьлоу агәамсам хылаԥшра азҭода, аԥсшьара аамҭа аилашыкьымҭаз ақалақь аҟны агәамсам ақәгара аус шԥамҩаԥысуа, абри атәы арадио Sputnik аефир аҿы еиҭеиҳәеит Аҟәа ақалақь ахадара иатәу аунитартә наплакы "Аиқәыршәазаара" аиҳабы Саид Кәыриԥа.
Аҟәа иалгоу амҩа хадақәа рҿықәқәа арыцқьара рнапы иануп Аԥсныавтомҩа, еизырго агәамсам анаҩс иқәган Гал иаҳгоит, аҳҭнықалақь аҩнуҵҟатәи амҩақәа ҳара хылаԥшра раҳҭоит иҳәеит Кәыриԥа арадиоефир аҿы.
"Ҳмашьынақәа аус руеит есыҽны. Ауаагьы ыҟоуп, техникалагьы ҳаиқәшәоуп. Мышкы 40-45-ҩык аԥсара иадҳәалоуп, амашьынақәа 11 ыҟоуп. Есыҽны агәамсам еизыргоит. Агәамсамҭаԥсарҭа ҿыцқәа ргылоуп. Агәамсам ахыԥхьаӡара иацлеит, ауааԥсыра аԥхын аамҭазоуп аремонттә аусурақәа ианрылаго. Ҽнак Гал 11 машьына цоит", - иҳәеит Кәыриԥа.
"Аиқәыршәазаара" аиҳабы инаҵшьны иазгәеиҭеит амашьынарныҟәцаҩцәа аҭыԥантәи ауааԥсыра шракәу, амҩадуқәа зыԥсо еиҳарак Аԥсны иааны аус зуа роуп иҳәеит иара.
"Ауааԥсыра реилкаара иаҳа иҳаракуп агәамсам аганахьала, еиҳа еиӷьхеит. Уи ҳбоит есыҽны. Ианаамҭоу агәам анрыҵуго, даргьы еиҳа игәцаракны иазнеиуеит. Акызаҵәык, ахә ршәаӡом, 20% роуп ахә зшәо. Шықәсык ахь 350 мааҭ роуп ишәалатәу. Аҭагылазаашьа шырҽеитәу атәы ҳазхәыцуеит", - азгәеиҭеит Кәыриԥа.
Иара убасгьы агәамсам еилырганы аизгаразы игәаанагара иҳәеит. Аҭагылазаашьа аԥуҵар, ауаагьы еилырхуеит иҳәеит Кәыриԥа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0