Микрофон  - Sputnik Аҧсны, 1920
Арадио

Аҩӡба игәалаиршәеит хәышықәса раԥхьа Приморск абџьар аҵәахырҭаҟны иҟаз аԥжәарақәа

Аҩӡба игәалаиршәеит Приморск абџьар аҵәахырҭаҟны иҟаз аԥжәарақәа
Анапаҵаҩра
Yandex newsTelegram
Приморск ақыҭан абџьар аҵәахырҭаҟны хәышықәса раԥхьа ари амш аҽны иҟалеит аԥжәарақәа. Ахҭыс игәалаиршәеит арадио Sputnik аефир аҟны аҭыԥантәи анхаҩы, аӡырԥхатә комплекс "Цәкәара" аиҳабы Руслан Аҩӡба.
Аԥсны Атәылахьчара аминистрра иатәу абџьари аџьаԥҳани рыҵәахырҭақәа рҟны аԥжәара ҟалеит нанҳәа 2, 2017 шықәсазы. Аҵәахырҭақәа рҟны ишьҭан авиабомбақәа, артиллериатә хырҭҟәацқәа, аминақәа. Хҩык ауаа ҭахеит, 64-ҩык ахәрақәа роуит. Аҩнқәа жәеиза рбган, убасгьы жәабала анхарҭақәа ааха роуит. Аҳәынҭқарра ацхыраарала аҩн ҿыцқәа ргылан, ааха зауз анхарҭақәа еиҭашьақәыргылан.
"Усҟан иӷәӷәан аԥжәара, ауаа даара иаршәеит, аԥхасҭагьы акыр ирацәан, уи аҽны хәышықәса раԥхьа ушәаратәы иҟан. Са сықәлацәа, аибашьра иахысыз, уи амш еибашьра дук аҽны еиԥш иаҳнарбеит усҟан Приморск", - иҳәеит Аҩӡба.
Аицәажәара шәаҳар шәылшоит аудиофаил аҟны хыхь.
Ажәабжьқәа зегьы
0