https://sputnik-abkhazia.info/20220811/adkylarat-kampania-zaa-alakhada-synta-asnyti-auniversitet-1040865212.html
Адкыларатә кампаниа: заҟаҩ ҭалахьада сынтәа Аԥснытәи ауниверситет
Адкыларатә кампаниа: заҟаҩ ҭалахьада сынтәа Аԥснытәи ауниверситет
Sputnik Аҧсны
Аԥснытәи аҳәынҭқарратә университет адкыларатә комиссиа аҭакзыԥхықәу амаӡаныҟәгаҩ Инга Арӡынԥҳа арадио Sputnik иазеиҭалҳәеит сынтәа заҟаҩ ауниверситет... 11.08.2022, Sputnik Аҧсны
2022-08-11T16:46+0300
2022-08-11T16:46+0300
2022-08-11T16:58+0300
аԥсны
ажәабжьқәа
https://cdnn1.img.sputnik-abkhazia.info/img/07e4/09/15/1030977468_0:104:2000:1229_1920x0_80_0_0_f4240f56fc6d69343f1dd38a564dde99.jpg
АҞӘА, нанҳәа 11 – Sputnik. Аԥышәарақәа зҭииз 600-ҩык рҟынтәи 523-ҩык абитуриентцәа актәи акурс ахь рыдкылараз абжьагара ҟаҵоуп. Абри атәы лҳәеит Аԥснытәи аҳәынҭқарратә университет адкыларатә комиссиа аҭакзыԥхықәу амаӡаныҟәгаҩ Инга Арӡынԥҳа, арадио Sputnik аинтервиу аҭо. "Арҭ 532-ҩык шеихаҳшо макьана иӡбам. Қәҿиарала аԥышәарақәа ирхысыз биуџьетшьаҭала аҵара рҵалоит, еиҳа ихьысҳаз – ахәшәаратә шьаҭала. Иҵегьы адкылара иацаҳҵоит. Уаҵәы аҵыхәтәантәи мшуп, адиктант мҩаԥгахоит", - лҳәеит Арӡынԥҳа. Адкыларацҵа ахалархәразы 32 рзаҳал нашьҭын. Арӡынԥҳа илҳәеит инашьҭыз арзаҳалқәеи аицлабра алҵшәақәеи рыла ишеилкаахаз абитуриентцәа еиҳа иалырхуа занааҭны ишыҟаз жәларбжьаратәи аизыҟазаашьақәа, ахархәаратә математикеи аинформатикеи, аграфикатә дизаин. Адкыларацҵа рылаҳәан абитуриентцәа ахьазымхаз азанааҭқәа рахь. "Ари афизика, аматематика, агеографиа, абиологиа, азиндырра – латәарадатәи аҟәша, ашколқәранӡатәи аҵара, аҭоурых – аԥсуа сектор роуп. Абитуриентцәа рыдкылара мҩаԥысуеит 32 хырхарҭа рыла. Сынтәа раԥхьаӡа акәны иаадыртит ахырхарҭа "аскульптура". Арахь арзаҳалқәа аарышьҭит асахьаҭыхратә ҵараиурҭа аушьҭымҭацәа", - ҳәа азгәалҭеит Арӡынԥҳа. Биуџьетшьаҭала аҭалараан абитуриентцәа раттестат абжьаратә балл 4,1 инаӡароуп. Иара убриаҟара иҟазароуп зыхә ршәо аҵарагьы. Аха сынтәа, Арӡынԥҳа лажәақәа рыла, биуџьетшьаҭала иҭалоз рыбжьаратә 3,5 балл иҟан, хәыԥсалатәи аҵарахьы – 3,2.
https://sputnik-abkhazia.info/20220614/aau-imanagoit-anapkhgatsa-aratsa-reitslabra-asny-agadura-1039570989.html
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Адкыларатә кампаниа: заҟаҩ ҭалахьада сынтәа Аԥснытәи ауниверситет
16:46 11.08.2022 (ирҿыцуп: 16:58 11.08.2022) Аԥснытәи аҳәынҭқарратә университет адкыларатә комиссиа аҭакзыԥхықәу амаӡаныҟәгаҩ Инга Арӡынԥҳа арадио Sputnik иазеиҭалҳәеит сынтәа заҟаҩ ауниверситет иҭалахьоу, адкыларатә кампаниа анхыркәшахо.
АҞӘА, нанҳәа 11 – Sputnik. Аԥышәарақәа зҭииз 600-ҩык рҟынтәи 523-ҩык абитуриентцәа актәи акурс ахь рыдкылараз абжьагара ҟаҵоуп. Абри атәы лҳәеит Аԥснытәи аҳәынҭқарратә университет адкыларатә комиссиа аҭакзыԥхықәу амаӡаныҟәгаҩ Инга Арӡынԥҳа,
арадио Sputnik аинтервиу аҭо.
"Арҭ 532-ҩык шеихаҳшо макьана иӡбам. Қәҿиарала аԥышәарақәа ирхысыз биуџьетшьаҭала аҵара рҵалоит, еиҳа ихьысҳаз – ахәшәаратә шьаҭала. Иҵегьы адкылара иацаҳҵоит. Уаҵәы аҵыхәтәантәи мшуп, адиктант мҩаԥгахоит", - лҳәеит Арӡынԥҳа.
Адкыларацҵа ахалархәразы 32 рзаҳал нашьҭын.
"Аԥснытәи ашколқәа ирылгеит 1853-ҩык, абитуриентцәа – 600-ҩык ҳаман. ААУ абитуриентцәа ашколқәа роушьҭымҭацәа рҟынтә 32% ракәын иҟаз", - лҳәеит лара.
Арӡынԥҳа илҳәеит инашьҭыз арзаҳалқәеи аицлабра алҵшәақәеи рыла ишеилкаахаз абитуриентцәа еиҳа иалырхуа занааҭны ишыҟаз жәларбжьаратәи аизыҟазаашьақәа, ахархәаратә математикеи аинформатикеи, аграфикатә дизаин. Адкыларацҵа рылаҳәан абитуриентцәа ахьазымхаз азанааҭқәа рахь.
"Ари афизика, аматематика, агеографиа, абиологиа, азиндырра – латәарадатәи аҟәша, ашколқәранӡатәи аҵара, аҭоурых – аԥсуа сектор роуп. Абитуриентцәа рыдкылара мҩаԥысуеит 32 хырхарҭа рыла. Сынтәа раԥхьаӡа акәны иаадыртит ахырхарҭа "аскульптура". Арахь арзаҳалқәа аарышьҭит асахьаҭыхратә ҵараиурҭа аушьҭымҭацәа", - ҳәа азгәалҭеит Арӡынԥҳа.
Биуџьетшьаҭала аҭалараан абитуриентцәа раттестат абжьаратә балл 4,1 инаӡароуп. Иара убриаҟара иҟазароуп зыхә ршәо аҵарагьы. Аха сынтәа, Арӡынԥҳа лажәақәа рыла, биуџьетшьаҭала иҭалоз рыбжьаратә 3,5 балл иҟан, хәыԥсалатәи аҵарахьы – 3,2.
