Микрофон  - Sputnik Аҧсны, 1920
Арадио

Сақаниеи Арӡынбеи иргәаладыршәеит Аԥсны аибашьра ианалага аҭагылазаашьа зеиԥшраз атәы

Сақаниеи Арӡынбеи иргәаладыршәеит Аԥсны аибашьра ианалага аҭагылазаашьа зеиԥшраз атәы
Анапаҵаҩра
НовостиTelegram
Аԥсны жәлар Рџьынџьтәылатә еибашьра шалагаз, атәыла уи ахьынӡазыҟаҵаз, мчылеи хыԥхьаӡаралеи еиҳаз ампыҵахалаҩцәа раанкылара шалыршаз арадиоефир аҟны иалацәажәеит Аԥсны Афырхаҵа Леонид Арӡынбеи, аҟазараҭҵааҩ, археолог, Агәымшәараз амедал занашьоу Сурам Сақаниеи.
Нанҳәа 14 - Аԥсны Аҳәынҭқарра ахьчаҩцәа ргәалашәара иамшуп. 30 шықәса раԥхьа ари аҽны Қырҭтәыла Аҳәынҭсовет архәҭақәа бџьарла еиқәных Аԥсны иақәлеит, иалагеит Аԥсны жәлар Рџьынџьтәылатә еибашьра. Уи иагеит хә-нызқьҩык рҟынӡа аԥсадгьыл ахьчаҩцәеи аҭынч уааԥсыреи рыԥсҭазаарақәа. Ԥшьышәи жәаха мши ҵхи ицоз аибашьра аԥсуа жәлар риааирала ихыркәшан цәыббра 30, 1993 шықәса рзы.
Гәымсҭатәи афронт аҟны азенит-хыԥсаҟьагатә батареиа адҵаҟаҵаҩс иҟаз, Аԥсны Афырхаҵа Леонид Арӡынбеи Мрагыларатәи афронт аибашьцәа ргәыԥ "Дельфин" иалаз, Агәымшәараз амедал занашьоу Сурам Сақаниеи арадио Sputnik аефир аҟны иргәаладыршәеит Аԥсны жәлар Рџьынџьтәылатә еибашьра ианалагоз рнапы злакыз, рыԥсадгьыл ақырҭуа мпыҵахалаҩцәа ақәлеит ҳәа шраҳаз, уи ахьчаразы раԥхьатәи амшқәа рзы иҟарҵоз, аҭагылазаашьа зеиԥшраз, аԥсуаа рԥыза Владислав Арӡынба илша ажәлар реидкылараҟны.
Аицәажәара шәаҳар шәылшоит аудиофаил аҟны хыхь.
Ажәабжьқәа зегьы
0