Ситуация на границе Крыма с Украиной - Sputnik Аҧсны, 1920
Урыстәыла Донбасс имҩаԥнаго арратә операциа ҷыда
Урыстәыла Донбасс имҩаԥнагоит арратә операциа ҷыда, ДЖәРи ЛЖәРи иҟарҵаз аҳәарала. Владимир Путин Донецки Лугански жәлар рреспубликақәа рхьыԥшымра азхаиҵеит.

Атәылахьчара аминистрра аҳәамҭа ҟанаҵеит Запорожиетәи АЕС аҟны Киев апровокациа шыҟанаҵо

© Sputnik / РИА Новости / Амедиаҵәахырҭахь аиасраНовая смена украинских атомщиков приступила к работе на Запорожской АЭС
Новая смена украинских атомщиков приступила к работе на Запорожской АЭС - Sputnik Аҧсны, 1920, 18.08.2022
Анапаҵаҩра
НовостиTelegram
Аҵыхәтәантәи амчыбжь азы УАМ иааиԥмырҟьаӡакәа атомтә станциа иақәкны ихысуеит. Ааха аҭоуп астанциа "Каховская" авольтҳарак цәаҳәа. Аперсонал афымцаблокқәа ҩба рымчхара ладырҟәыр акәхеит.
АҞӘА, нанҳәа 18 - Sputnik. ЕАР амаӡаныҟәгаҩ хада Антониу Гутерреш Украина данаҭаауа аамҭазы, Киев Запорожиетәи атомтә фымцастанциа акәша-мыкәша апровокациа амҩаԥгара азнархиоит, абри азы аҳәамҭа ҟаиҵеит Урыстәыла Атәылахьчара аминистрра ахаҭарнак, аинрал-леитенант Игор Конашенков.
"Нанҳәа 19 азы, ЕАР амаӡаныҟәгаҩ хада Антониу Гутерреш Украина данаҭаауа аамҭазы, Киев Запорожиетәи атомтә фымцастанциа акәша-мыкәша апровокациа амҩаԥгара азнархиоит. Уи инадҳәаланы Урыстәылатәи Афедерациа астанциаҿы атехногентә рыцҳара мҩаԥнагеит ҳәа ахара адҵара ргәы иҭоуп", - иҳәеит иара.
Иҟоу аинформациала нанҳәа 19 рзы аоператив-тактикатә гәыԥ "Днепр" арадиациатә хылаԥшра апостқәа еиҿыркаауеит, иара убасгьы еиҿыркаауеит Запорожие игылоу аҵакыратә хьчара 108-тәи абригада, 44-тәи артиллериатә бригада рҽазыҟаҵарақәа.
Конашенков иажәақәа рыла, уи адагьы нанҳәа 19 азы арадиациатә, ахимиатә, абиологиатә хьчара арҟәшақәа Запорожие иахьаҵанакуа рҽеизыркуеит АЕС аҿы авариа шыҟалаз азы азгәаҭара мҩаԥыргарази, уи ахҟьаԥҟьақәа "шаԥырхуа" арбарази.
Аусбарҭаҿ ишырҳәо ала УАМ 44-тәи абригада артиллериатә жәыларақәа мҩаԥыргараны иҟоуп Никополь иахьаҵанакуа аҟынтә.
"Азхьаԥшра аҳҭоит урыстәылатәи ар ара ишрымам абџьар хьанҭа. Астанциа аҵакыраҿ игылоу ахьчаратә ҟәшақәа заҵәык шракәу. Урыстәыла Арбџьар мчқәа Запорожиетәи АЕС ахьчаразы ирылшо зегь ҟарҵоит", — иҳәеит Конашенков.
Иацы Гутерреш Львов днеиит. Иахьа уа иазгәаҭоуп Ҭырқәтәылеи Украинеи рхадацәа рԥылара. ЕАР амаӡаныҟәгаҩ хада нанҳәа 19 азы Одессаҟа днеиуеит, адырҩаҽны Сҭампыл –афатә иазку аилаӡара анагӡара ахылаԥшра азҭо Акоординациатә центр ахь.
Ажәабжьқәа зегьы
0