Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Арӡынба: арратә операциа ҷыда жәларбжьаратәи асистема ҿыц ауасхыр азышьҭанаҵароуп

© Sputnik / Марианна Кубрава Инал Ардзинба
Инал Ардзинба - Sputnik Аҧсны, 1920, 30.08.2022
Анапаҵаҩра
Аԥсны адәныҟаполитикатә усбарҭа ахада Инал Арӡынба адырраҭара "Вечер с Владимиром Соловьевым” аҟны дықәгылеит.
АҞӘА, нанҳәа 30 – Sputnik. Донбасс ахьчараз Урыстәыла имҩаԥнаго арратә операциа ҷыда жәларбжьаратәи асистема ҿыц ауасхыр азышьҭанаҵароуп, абри азы аҳәамҭа ҟаиҵеит Аԥсны адәныҟатәи аусқәа рминистр Инал Арӡынба адырраҭара "Вечер с Владимиром Соловьевым” аҟны данықәгылоз.
Арӡынба иазгәеиҭеит адунеи аҟны акы акәымкәа, еиуеиԥшым аполитикатә мчқәа раҳра ҟаларц Аԥсны шадгыло.
Аԥсны АА рминистр игәаанагарала, Урыстәыла жәларбжьаратәи аиашамра аҿагыларазы аусура иалагеит, уи апроцесс Аԥсны адгылара анаҭоит.
"Сгәаанагарала, актәи ашьаҿа ҟаҵоуп. Имҩаԥысуа арратә операциа ҷыда иҭышәынтәалоу, ииашоу, амилаҭ маҷқәа рхаҭарнакцәа еишьашәаланы иахьаарԥшу жәларбжьаратәи асистема ҿыц ауасхыр азышьҭанаҵароуп",- иҳәеит Арӡынба.
Уи адагьы, аминистр даҽазныкгьы иҳәеит арратә операциа амҩаԥгара Аԥсны шадгыло, атәыла ауааԥсыра реиҳараҩык уи ишазыразу.
"Аԥсны ахада инапынҵала, Донбасс агуманитартә цхыраара аҭаразы аусура шымҩаԥаагац имҩаԥаагоит. Хара имгакәа Донбассҟа идәықәҵахоит ҿыц еидкылоу агуманитартә цхыраара, уи аус иацаҳҵалоит, излаҳалшо ала Донбасс ацхыраара аҳҭалоит", - иҳәеит АА рминистр.
Ажәабжьқәа зегьы
0