Микрофон  - Sputnik Аҧсны, 1920
Арадио

Хра злоу ахҭысқәа: Кәарҷиа араса аарыхра азнеишьеи афеидеи ирызкны

Хра злоу ахҭысқәа: Кәарҷиа араса аарыхра азнеишьеи афеидеи ирызкны
Анапаҵаҩра
НовостиTelegram
Сынтәа араса аҽаҩра зеиԥшроу, уи нап адызкыло рхыԥхьаӡара еизҳауа имаҷхо, ахаҭабзиареи аҽаҩреи ҟаларц азы знеишьас иаҭаху, иахьа феида ахьынӡалоу уҳәа ртәы арадио Sputnik аефир аҟны далацәажәеит анаплакҩы, араса аарыхыҩ Абесалом Кәарҷиа.
Иахьа араса аарыхны изҭиуа рзы аҭагылазаашьа даара иҽеим ҳтәылаҟны ҳәа азгәеиҭеит анаплакҩы ицәажәараҟны.
"Ари акультура ақәгарагьы иара аиқәырхарагьы ахарџь аҭахуп. Иахьа иҟоу ахә ала ауаҩы иџьабаа ахә изҭгаӡом. Ҳара Урыстәылаҟа иаҳгон араса. Иахьа уи ахә ладырҟәит Қырҭтәыла. Дара Ермантәылаҟа ирышьҭуеит араса. Ермантәылеи Урыстәылеи Иаку Аҳазлахратә еидгыла иалоуп, уаантәи иаҳа имарианы араса наргоит. Ҳара Аҟәантәи Москва ианнаҳго иҳауа ахарџьи дара ироуеи еиԥшым, убри аҟынтәи аицлабраҟны ҳара ҳаҵахоит. Ара ҷыдала азнеишьа аҭахуп. Анхацәа ирасҳәон, аха ирыдыркылаӡом. Адунеи атәылақәа рҟны иҟоуп акооперативқәа. Ауаа еидгыланы аилаԥса ҟарҵоит, рхы еидыркылоит. Дара рхатә агрономцәа рымоуп, ианырҭаху ахә шьҭырхуеит еидгыланы ианыҟоу. Уи Аԥсны ҟаҵашьа амам. Аӡәы иуа аҳазалхырҭаҟны аус иуеит, ирмарианы ииаигоит, егьи ианхәа дагыруоуп, Галҟа игоит. Аидкылашьа ҟамлеит. Ара ҩ-факторк ыҟоуп: анхаҩы дазыҟаҵаӡам, иҽазыҟаиҵарцгьы иҭахӡам; аҳәынҭқаррагьы еиҿнакаауа маҷуп", - иҳәеит Кәарҷиа.
Аицәажәара инеиҵыхны ишәаҳар шәылшоит аудиофаил аҟны хыхь.
Ажәабжьқәа зегьы
0