https://sputnik-abkhazia.info/20220917/aati-adelegtsia-briansk-ayntylat-eibashra-du-ay-iakhaz-rgaladyrsheit-1041561393.html
Аҟәатәи аделегациа Брианск Аџьынџьтәылатә еибашьра Ду аҿы иҭахаз ргәаладыршәеит
Аҟәатәи аделегациа Брианск Аџьынџьтәылатә еибашьра Ду аҿы иҭахаз ргәаладыршәеит
Sputnik Аҧсны
Бриансктәи аобласт афашистцәа рнапаҵаҟа ианыҟаз аамҭазы, аҭынч уааԥсыра иршьызи арҭҟәацгақәа иаларыжьуаз ирыхҟьаны иҭахази рхыԥхьаӡара 75 274-ҩык инаӡоит, 154... 17.09.2022, Sputnik Аҧсны
2022-09-17T16:33+0300
2022-09-17T16:33+0300
2022-09-17T16:43+0300
аԥсны
ажәабжьқәа
https://cdnn1.img.sputnik-abkhazia.info/img/07e6/09/11/1041559654_0:47:900:553_1920x0_80_0_0_8b07666bf05054603ba00c938a09d8ac.jpg
АҞӘА, цәыббра 17 - Sputnik. Аҟәа ақалақь ахада Беслан Ешба зхадараҿы дыҟоу аԥсуа делегациа, Брианск Аџьынџьтәылатә еибашьра Ду аҿы иҭахаз рыхьӡала игылоу абаҟа амҵан ашәҭ шьыҵәрақәа шьҭаҵаны аибашьцәа ргәаладыршәеит. Абри атәы аанацҳауеит ақалақь ахада аусбарҭа апресс-маҵзура.Аҟәа ақалақь аусбарҭа аделегациа аҭааит агәаларшәагатә ҭыԥқәа - амемориалтә комплекс "Хацунь" иара убас "Апартизантә дәҳәыԥш".Афашистцәа ирымпыҵырхалаз ақалақь ишазныҟәаз иазкуп акомплекс "Хацунь". Амемориал аҟны анышә иамадоуп аҭынч уааԥсыреи ақалақь ахы иақәиҭызтәыз асолдаҭцәеи.Амемориалтә комплекс "Апартизантә дәҳәыԥш" акәзар Брианск абнара иалсуа аӡиа Снежать ахықәаҿ иҟоуп.Уаҟа ицәыргоуп ахаҳә ҭыӡқәа - апартизанцәа рхырхарҭа зну ахсаалақәа, иҭахаз рыхьӡқәа, арратә техника аекспозициа уҳәа агәаларшәарақәа зныԥшуа.Аҟәатәи аделегациа иара убасгьы идырбан асквер "Аиааира абаҳча". Иара ҟаҵан 2021 шықәсазы, ақалақь ахада Марина Дбар лаԥшьгамҭала.
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Аҟәатәи аделегациа Брианск Аџьынџьтәылатә еибашьра Ду аҿы иҭахаз ргәаладыршәеит
16:33 17.09.2022 (ирҿыцуп: 16:43 17.09.2022) Бриансктәи аобласт афашистцәа рнапаҵаҟа ианыҟаз аамҭазы, аҭынч уааԥсыра иршьызи арҭҟәацгақәа иаларыжьуаз ирыхҟьаны иҭахази рхыԥхьаӡара 75 274-ҩык инаӡоит, 154 нызқьҩык рынхарҭақәа ирыхцаны анемец хәура иҭан. 1016 еиланхарҭа ҭыԥ ықәццышәаан.
АҞӘА, цәыббра 17 - Sputnik. Аҟәа ақалақь ахада Беслан Ешба зхадараҿы дыҟоу аԥсуа делегациа, Брианск Аџьынџьтәылатә еибашьра Ду аҿы иҭахаз рыхьӡала игылоу абаҟа амҵан ашәҭ шьыҵәрақәа шьҭаҵаны аибашьцәа ргәаладыршәеит. Абри атәы
аанацҳауеит ақалақь ахада аусбарҭа апресс-маҵзура.
Аҟәа ақалақь аусбарҭа аделегациа аҭааит агәаларшәагатә ҭыԥқәа - амемориалтә комплекс "Хацунь" иара убас "Апартизантә дәҳәыԥш".
Афашистцәа ирымпыҵырхалаз ақалақь ишазныҟәаз иазкуп акомплекс "Хацунь". Амемориал аҟны анышә иамадоуп аҭынч уааԥсыреи ақалақь ахы иақәиҭызтәыз асолдаҭцәеи.
Амемориалтә комплекс "Апартизантә дәҳәыԥш" акәзар Брианск абнара иалсуа аӡиа Снежать ахықәаҿ иҟоуп.
Уаҟа ицәыргоуп ахаҳә ҭыӡқәа - апартизанцәа рхырхарҭа зну ахсаалақәа, иҭахаз рыхьӡқәа, арратә техника аекспозициа уҳәа агәаларшәарақәа зныԥшуа.
Аҟәатәи аделегациа иара убасгьы идырбан асквер "Аиааира абаҳча". Иара ҟаҵан 2021 шықәсазы, ақалақь ахада Марина Дбар лаԥшьгамҭала.
