Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Қырҭтәыла амаҵзура ҷыдақәа рзы аԥшыхәра мҩаԥызгоз лаанкылара аҿҳәара иацҵоуп

© Sputnik / Томас Тхайцук Судебный молоток
Судебный молоток  - Sputnik Аҧсны, 1920, 21.09.2022
Анапаҵаҩра
Ԥхынгәы 25 азы Аԥсны АшәМ аԥшыхәразы Қырҭтәыла атәылауаҩ, Гал араион аҿы инхоз Кристина Такаланӡе лганахь ала ашьаус хацнаркит.
АҞӘА, цәыббра 21 – Sputnik. Аҟәатәи ақалақьтә ӡбарҭа Қырҭтәыла атәылауаҩ Кристина Такаланӡе лаанкылара аҿҳәара абҵара 19 аҟынӡа инахазарц аусӡбара аднакылеит. Абри атәы Sputnik иазеиҭарҳәеит Апрокуратура хадаҿы.
Аусҭҵаара адыррақәа рыла Кристина Такаланӡе қырҭтәылатәи амаҵзура ҷыдақәа рнапынҵақәа нагӡо аҳәынҭқарратә, арратә уҳәа Аԥсны азакәан иахьчо амаӡақәа еизылгон.
Заанаҵтәи аусҭҵаара ишьақәнаргылеит Такаланӡе абри аус лнапы шалакыз 2021 шықәса цәыббрамза инаркны 2022 шықәса ԥхынгәы 20 рҟынӡа.
Аҟәатәи ақалақьтә ӡбарҭа ԥхынгәы 28 азы Қырҭтәыла атәылауаҩ, Гал араион аҿы инхоз Кристина Такаланӡе лҭакразы аусӡбара аднакылеит.Лара хара лымам ҳәа ыԥхьаӡоуп аӡбарҭа аӡбамҭа амчрала лхара шьақәырӷәӷәахаанӡа.
24 шықәса зхыҵуа Такаланӡе Жәыргьыҭ диит, милаҭла дақырҭуоуп, Гал араион Баҭаигәара (Набакеви) ақыҭаҿы дынхон. Аусҭҵаара адыррақәа рыла, Такаланӡе еизылгоз аинформациа Қырҭтәыла Ашәарҭадаратә маҵзура ахы ианархәар алшон Аԥсны ашәарҭареи, аконституциеи, ахьыԥшымреи рыҵшәааразы.
Ажәабжьқәа зегьы
0