Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Бжьаниеи ақалақьқәеи араионқәеи рхадацәеи жәларбжьаратәи аҭагылазаашьа иалацәажәеит

© Sputnik / Томас Тхайцук Администрация Президента РА
Администрация Президента РА  - Sputnik Аҧсны, 1920, 26.09.2022
Анапаҵаҩра
НовостиTelegram
АҞӘА, цәыббра 26 - Sputnik. Аԥсны ахада Аслан Бжьаниа жәларбжьаратәи аҭагылазаашьа иазкыз аилацәажәара мҩаԥигеит атәыла ақалақьқәеи араионқәеи рхадацәа алархәны, абри атәы аанацҳауеит ахада иусбарҭа апресс-маҵзура.
Аилацәажәараҿы рыӡбахә ҳәан иахьатәи аамҭазы шәарҭарақәас иҟоу, урҭ ианаамҭоу рҭакҟаҵаразы шьаҿақәас иаҭаху.
Ахада инаҵшьны иазгәеиҭеит ашәарҭадара иадҳәалоу азҵаарақәа хадара шыруа, раԥхьа иргыланы ишрызхәыцтәу, иара убас дазҵааит аҭыԥқәа рҿы ареспублика амобилизациа аҽазыҟаҵара аиӷьтәразы иҟарҵо арбану.
Аԥыза-министр Александр Анқәаб атәыла ахада адырра ииҭеит иара инапынҵала Ашәарҭадаратә хеилак аилатәара ашьҭахь нап шаҵаҩыз Амобилизациатә ҽазыҟаҵара аиӷьтәра ахәшьара аҭареи уи азы абжьгарақәа рыдгалареи ирызку аусутә гәыԥ аԥҵаразы Адҵа.
Аслан Бжьаниа араионқәеи ақалақьқәеи рхадацәа хьаирԥшит аҭыԥқәа рҿы рымч дырӷәӷәарц шахәҭоу, арратә комиссариатқәа русура аиҿкааразы излауа ала ацхыраара рырҭалар шакәу.
Уи адагьы, аилацәажәараҿы ирзааҭгылеит афымцамч, аҭыԥантәи абиуџьетқәа рынагӡашьа, араионқәа ринвестициатә лшара аиӷьтәра уҳәа ирызку азҵаарақәа.
Документ  - Sputnik Аҧсны, 1920, 23.09.2022
Аԥсны
Аԥсны аҽеизакратә ҽазыҟаҵара аиӷьтәраз аусутә гәыԥ аԥҵоуп
Ажәабжьқәа зегьы
0