Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аҟәа ахақәиҭтәра амш азы иаатит "Ҭагалантәи ацәыргақәҵа"

© Sputnik / Томас Тхайцук "Осенняя выставка"
Осенняя выставка  - Sputnik Аҧсны, 1920, 27.09.2022
Анапаҵаҩра
НовостиTelegram
Аԥсуа сахьаҭыхыҩцәа русумҭақәа 30 инреиҳаны ицәыргоуп Аҟәа ахақәиҭтәра амш иазку ацәыргақәҵаҿ.
АҞӘА, цәыббра 27 - Sputnik, Асмаҭ Ҵәыџьԥҳа. "Ҭагалантәи ацәыргақәҵа", Аҟәа ахақәиҭтәра амш иазкны Ацәыргақәҵатә зал хадаҟны иаатит ацәыргақәҵа аҩаша, цәыббра 27 рзы.
Ацәыргақәҵатә зал хада аиҳабы Ельвира Арсалиаԥҳа иазгәалҭеит, ацәыргақәҵаҿ аибашьра атема иазку асахьақәа шыҟамгьы, 29 шықәса раахыс аԥсуа жәлар цәыббрамза ианҭала нахыс ирныруа ацәаныррақәа шаныԥшуа.

"Иҟоуп асахьақәа равторцәа рыбжьара, аибашьра аамҭазы злагала рацәоу, иҟоуп еибашьуаз, иара убас усҟан зынӡа иқәыԥшӡақәаз. Аха зегь рыҟны ари атема, ажанр рҟазараҟны аҭыԥ ҷыда ааннакылоит", - ҳәа лҳәеит лара.

Асахьаҭыхыҩцәа реидгыла аиҳабы Витали Џьениа иазгәеитеит, Аԥсны Аиааиреи Ахьыԥшымреи 30 шықәса ахыҵраан аибашьра атемала ацәыргақәҵа амҩаԥгара ргәы ишҭоу.
"Иахьа ҳара иаҳҭахуп, ахәаԥшацәа ирбо ргәы шьҭнахырц. Аибашьра ргәалазыршәуа акәымкәан, ибзиоу акы, 29 шықәса раахыс ҳсахьаҭыхыҩцәа реихьӡарақәа ртәы", - иҳәеит иара.
Аԥсны иҟоу Россотрудничество ахаҭарнакра анапхгаҩы Дмитри Федотов аҳҭнықалақь иаланхо ауааԥсыра аныҳәа рыдеиныҳәалеит. Иазгәеиҭеит аҟазараҟны аибашьра атема - ихьанҭоуԥ илахьеиқәроуп ҳәа.
"Аха иахьатәи аԥсҭазаара еиҳа еиӷьны иузырбо асахьақәа - ари ииашан иалху темоуп. Ииасхьоу ҳгәаларшәо ԥхьаҟа ицалатәуп", - иҳәеит иара.
Выставка художников из Кабардино-Балкарии под названием Интеграция - Sputnik Аҧсны, 1920, 20.09.2022
Аԥсны
Ҟабарда-Балкариатәи асахьаҭыхыҩцәа рцәыргақәҵа аатит Аҟәа
Ацәыргақәҵаҿ ицәырган аԥсуа сахьаҭыхыҩцәа Амиран Адлеиба, Руслан Габлиа, Геннади Барцыц, Лиудмила Будиак, Мактина Ҵәыџьба, Заур Мықәба, Саид Возба, Сабина Кәарҷелиаԥҳа русумҭақәа.
Ацәыргақәҵа аартызаауеит жьҭаарамза азбжанӡа.
Ажәабжьқәа зегьы
0