Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Урыстәылатәи аҟазауаа аԥснытәи ахәыҷбаҳчақәа русзуҩцәа рзы асеминарқәа мҩаԥыргоит

© Sputnik / Бадрак АвидзбаСеминар для заведующих и воспитателей детских садов.
Семинар для заведующих и воспитателей детских садов. - Sputnik Аҧсны, 1920, 13.10.2022
Анапаҵаҩра
НовостиTelegram
"Иреиӷьӡоу адунеитәии аџьынџьтәылатәии аҭҵаамҭақәа рыла еиҿкаау еицырдыруа аҵаратә технологиақәа раларҵәара" атемала асеминар ҩымш имҩаԥгахоит Аҟәа.
АҞӘА, жьҭаара 13 – Sputnik. Аԥсны абызшәеи аҵаратә политикеи рминистрра раԥшьгарала Урыстәылатәи Рыбоков Фонд аҟазауаа аԥснытәи ахәыҷбаҳчақәа реиҳабацәеи русзуҩцәеи рзы асеминарқәа мҩаԥыргоит Аҟәатәи абжьаратә школ №1 аҟны.
"Ахәыҷы идырра аизырҳаразы алҵшәа бзиа адырԥшуеит аиԥш зеиԥшу апрограммақәа", - абри атәы Sputnik иазеиҭеиҳәеит Рыбаков Фонд апрограмма "Про детей" ахада Дмитри Вошьинин.
Апрограмма аҳәаақәа ирҭагӡаны ахәыҷы ишәразы аҭагылазаашьа бзиа аԥҵахоит, иара убас ахәыҷбаҳҷақәа рааӡаҩцәа рԥышәа еизҳауеит, иҳәеит иара.
"Ари апрограмма Урыстәыла алҵшәа бзиақәа аанырԥшит, даара иҳақәҿиеит. Иахьатәи аамҭазы иҳамоу аԥышәа аԥснытәи ҳколлегацәа рымдара ахҳалшо -игәахәароуп. Аԥснытәи аҳәыҷбаҳчақәа ирҭаххар алшоит ари апрограмма русураҿы аларҵәара", - иҳәеит Вошьинин.
Иазгәеиҭеит Урыстәылантәи аԥсныҟа ишааз ԥшьҩык аҟазауаа, дара ахәыҷбаҳчақәа реиҳабацәеи русзуҩцәеи рзы асеминарқәа ҩымш имҩаԥыргоит.
Рыбаков Фонд- ихазхәатәу хеилакәуп, 2015 шықәсазы Екатерина Рыбаковеи Игори Рыбакови раԥшьгарала иаԥҵан.
Ажәабжьқәа зегьы
0