Микрофон  - Sputnik Аҧсны, 1920
Арадио

Ҳашыг аибашьра атемала ажурналистцәа реицлабразы: еиҭаҳәам ахҭысқәа ҳарзыԥшуп

Ҳашыг аибашьра атемала ажурналистцәа реицлабразы: еиҭаҳәам ахҭысқәа ҳарзыԥшуп
Анапаҵаҩра
Аԥсны Аџьынџьтәылатә еибашьра алагеижьҭеи 30 шықәса аҵра инамаданы Ажурналистцәа рхеилак ирыланаҳәеит арҿиаратә еицлабра. Аԥсны ажурналистцәа реидгыла ахантәаҩы Руслан Ҳашыг арадио Sputnik аефир аҿы еиҭеиҳәеит, аусумҭақәа ралԥшаараан хшыҩзышьҭра зҭахо.
Мызкы аанхеит аибашьра атемала ажурналистцәа ирылаҳәоу аицлабра ахыркәшара. Ажурналистцәа реидгыла ахантәаҩы Руслан Ҳашыг иажәақәа рыла аҵыхәтәантәи амчыбжь иалагӡаны есыҽны аусумҭақәа рынашьҭра иалагеит.
"Аредакциақәеи ажурналистцәеи аус еицуны иалырԥшаарц ҳҭахуп иреиӷьу анҵамҭақәа. Дара рыҩнуҵҟагьы еиҿырԥшны еиҳа еиӷьу, иаҳа инарҵауланы атема аазырԥшыз даалыркаар ҳҭахуп", - ҳәа иҳәеит Ҳашыг.
Иара убасгьы иазгәеиҭеит, ажурналистә еиҿкаарақәа азин шрымоу еиҿкаахо аӡбаҩцәа ргәыԥ иаладырхәырц ирҭаху ихьӡ рҳәарц.
"Аихшьаалақәа мҩаԥызго ишьақәырӷәӷәахо гәыԥуп. Ажурналистцәа реидгыла уи иалахәӡам, урҭ роуп аԥхьахә иаԥсахоит ҳәа ауаа зыӡбахә рҳәо. Аредакциақәа иаазышьҭыз рҟны аус зуа аӡбарҭатә гәыԥ иалаҳҵаӡом. Доусы иара иредакциа иадимцәаларцаз", - ҳәа иҳәеит Аԥсны ажурналистцәа реидгыла ахантәаҩы.
Руслан Ҳашыг иазгәеиҭеит, аицлабрахь аусумҭақәа аазышьҭуа ихадоу аԥҟара, еиҭаҳәам аибашьра ахҭыс хшыҩзышьҭра арҭарц.
"Еиҭаҳәам аибашьра ахҭысқәа – аҳәара ҟасҵоит ари ажәа рхадмыршьҭларц ажурналистцәа, аредакциақәа. Даара ирацәоуп акьыԥхь, арадио, ателехәаԥшраҿы еиҭаҳәам ахҭысқәа, хаҭала аибашьра аветеранцәа зыӡбахә ҳәам", - иҳәеит иара.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0