Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥснытәи аделегациа афорум "Диалог культур" иалахәуп

© Foto / предоставила Лана Абшилава Делегация из Абхазии приняла участие в форуме "Диалог культур" в Питере
Делегация из Абхазии приняла участие в форуме Диалог культур в Питере - Sputnik Аҧсны, 1920, 25.10.2022
Анапаҵаҩра
НовостиTelegram
XVI Жәларбжьаратәи амедиа-форум "Диалог культур" мҩаԥысуеит Санкт-Петербург жьҭаара 24-26 рзы.
АҞӘА, жьҭаара 25 – Sputnik, Асмаҭ Ҵәыџьԥҳа. Аԥснытәи ажурналистцәа Санкт-Петербург имҩаԥысуа XVI Жәларбжьаратәи амедиа-форум "Диалог культур" иалахәуп.
Афорум иалахәхаразы арахь иааит хыԥхьаӡара рацәала аҳәаанырцәынтәи асасцәа – Аԥсны, Ермантәыла, Белоруссиа, Қырҭтәыла, Ҟазахсҭан, Киргизиа, Узбекисҭан, Аахыҵ Уаԥстәыла, Азербаиџьан, Таџьикисҭан, ДЖәР, ЛЖәР рҟынтә.
Аԥснынтәи афорум иалахәуп ажурналист Лана Аԥшьлааԥҳаи афотоҭыхыҩ, арежиссиор Беслан Лагәлааи.
Аԥшьлааԥҳа лажәақәа рыла, жьҭаара 24 рзы афоруми апрактикатә конференциеи аадыртит. Ара алахәылацәа рреспубликақәа, рықалақьқәа, ррегионқәа рҿы имҩаԥырго апроектқәа ӡырыргеит. Аԥшьлааԥҳа иазгәалҭеит афорум "Диалог культур" рколлегацәа жәпаҩык рабадырраз ишҭыԥ маншәалоу.
"Ҳәарада афорум хра амоуп. Асеиԥш иҟоу аҭыԥқәа рҿы ҳхы ӡыраагар ҟалоит, ҳреспублика, ҳкультура, ҳтәыла аԥсҭазаара ртәы еиҭаҳҳәар ҳалшоит. Агәахәара унаҭоит ҳколлегацәа Аԥсны ҳаҟан, еиҭах абара ҳазгәышьуеит анырҳәо", - лҳәеит лара.
Афорум аҳәаақәа ирҭагӡаны имҩаԥгоуп аицлабра "Я живу в России" аихшьалақәа. Уа еизгоуп атәыла арегионқәа 60 рҟынтәи 1700 материал. Ермитаж аҿы имҩаԥгахоит афотоцәыргақәҵа "Сара ара сынхоит", уахь инагахоит 200 усумҭа.
Ацәыргақәҵа далахәуп Беслан Лагәлаагьы. Иара убасгьы асасцәа идырбахоит арежиссиор Џьано Ҵурҵумиа зметраж кьаҿу ифильм "Асас" (Миха Лакрба).
Ажәабжьқәа зегьы
0