Микрофон  - Sputnik Аҧсны, 1920
Арадио

Габраа Очамчыратәи афорум азы: алахәылацәа агәбылра рыбжьалеит, еиҩызцәахеит

Габраа Очамчыратәи афорум азы: алахәылацәа агәыбылра рыбжьалеит, еиҩызцәахеит
Анапаҵаҩра
НовостиTelegram
Очамчыра ихыркәшахеит Жәларбжьаратәи Аҿар рҵарадырратә форум "Ԥхьаҟатәи ҳԥеиԥш еицаԥаҳҵап". Уи аиҿкааҩцәа ируаӡәку Камыгә Габраа арадио Sputnik аефир аҿы еиҭеиҳәеит уи амҩасшьеи алахәылацәа ирнаҭази ртәы.
Ҳфорум даара активла имҩаԥысит, зегьы еигәырӷьаны иалацәажәоит ҳәа азгәеиҭеит аиҿцәажәараҿы Габраа.
"Арҭ амшқәа ирҭагӡаны алахәылацәа ирыман алшара апроектқәа рыҩра, Аԥсны иҟоу апроблемақәа руак ганы. Уи ианалацәажәалак ашьҭахь аиааира згаз 300 нызықь агрант иоуеит, убри аан уи Аԥсны имҩаԥгазароуп", - ҳәа иҳәеит Габраа.
Афорум аҳәаақәа ирҭагӡаны аҵаратә программа адагьы иҟан арлахҿыхратәгьы, алахәылацәа доусы рҟазара инақәыршәаны рхы аадырԥшит, шьоукы ашәаҳәараҿы, егьырҭ аспорт аҿы ҳәа азгәеиҭеит иара.
"Алахәылацәа анаҩс реимадара дырӡӡом ҳәа сгәы иаанагоит, иахьатәи аамҭазы алшарақәа зегьы ыҟоуп. Агәбылра рыбжьалеит, еиҩызцәахеит, даара еизааигәахеит", - ҳәа иҳәеит Габраа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0