Микрофон  - Sputnik Аҧсны, 1920
Арадио

Араҳамиа Мықәтәи ауахәамаз: аиҭашьақәыргылараз еизгоу аԥара азхом, еиҭа иацҵахоит

Араҳамиа Мықәтәи ауахәамаз: аиҭашьақәыргылараз еизгоу аԥара азхом, еиҭа иацҵахоит
Анапаҵаҩра
НовостиTelegram
Мықә ақыҭа ахада Беслан Араҳамиа арадио Sputnik иазеиҭеиҳәеит ақыҭан иҟоу ауахәамаҿы имҩаԥысыз агәыҳалалратә концерт атәы, иҳәеит уи ишаднаԥхьалаз хыԥхьаӡара рацәала ауааԥсыра.
Сретентәи аберҭыԥ ахори Аԥснытәи Аҳәынҭқарратә хортә капеллеи агәыҳалалратә концерт еицымҩаԥыргеит Мықәтәи ауахәамаҿы. Аконцерт аҿы еизыргаз аԥара ажәытә уахәама аиҭашьақәыргыларахь ишьҭхоит.
"Ажәлар ирылшоз ала аԥара аларҵон. Аҭыԥан 251 нызқь мааҭ еизган. 57 нызқь мааҭ - онлаинла. Ари иацтәи амш мацара. Ҳәарада, ауахәама аиҭашьақәыргыларазы уи азхаӡом, убри аҟнытә аԥара аизгара иацҵахоит. Раԥхьа иргыланы, ауахәамаҿы аԥенџьырқәа ԥсахтәуп, иара убас ахыб. Сгәы иаанагоит, иара ҟаҵазар, аԥсшьаҩцәагьы аднаԥхьалалоит ҳәа. Сынтәа мацара урҭ рахьынтә иаҭааз маҷым. Уажәтәи акциа иабзоураны еиҳагьы ахьӡ аларҵәахоит", - иҳәеит Араҳамиа.
Мықә ақыҭа ахада иара убасгьы иҳәеит, аҭыԥантәи ауааԥсырагьы ауахәамахь ишнеиуа, ишымҩаԥырго анаҭрақәа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0