Микрофон  - Sputnik Аҧсны, 1920
Арадио

Ҳазлацәажәаша ҳамоуп: Ҳалуашь ахәырма аҭира иадҳәалоу ауадаҩрақәа ртәы

Ҳазлацәажәаша ҳамоуп: Ҳалуашь ахәырма аҭира иадҳәалоу ауадаҩрақәа ртәы
Анапаҵаҩра
НовостиTelegram
Ақыҭанхамҩа аспециалистцәа сынтәа ахәырма аарҩара иахҟьаны 50% рҟынӡа икаԥсеит ҳәа шазгәарҭозгьы, анхацәа ражәақәа рыла, аҽаҩра бзиоуп. Рҽаҩра рхы иабанӡарзархәои, уи аҭираҟны рус абанӡаманшәалоуи, ахәырма иадҵаало рхыԥхьаӡареи рзы азҵаарақәа дрылацәажәеит арадио Sputnik аефир аҟны Дәрыԥшьтәи анхаҩы, аусдкылаҩ Даур Ҳалуашь.
"Ахәырма рацәаны иҳамоуп, аха гарҭа амаӡам, изго маҷхеит. Зхала аҳәаахьы изго рацәоуп. Абра иаауеит аӡәык-ҩыџьак иадҵаалоит, аха ахә зынӡа идырмаҷуеит. Убас ауадаҩрақәа ҳамоуп, ииашацәҟьаны, гарҭа ыҟам ахәырма. 20 мааҭ ҳәа ахәырма аҭира иашаӡам, избанзар аџьабаа рацәаны иацуп, уи иухәышәтәыроуп, иубаҳароуп, нас аҵыхәтәаны аӡәгьы иҭахымхо иааҟалоит, иҟалаз сыздыруам", - иҳәеит Ҳалуашь.
Иара иазгәеиҭеит аҳәынҭқарра анхацәа ацхыраара шрынаҭо ашәыр аиҭаҳаразы, аха анаҩс аҽаҩра ахьыршьҭуа, ишырҭииша ҳәа ахылаԥшра шаҭаху.
"Аиҭаҳара уи бзиоуп, аха раионцыԥхьаӡа иҟарҵар ашәыр ахьрыдыркыло аконсервтә зауадқәа. Анхаҩы иџьабаа бзабааны иԥыларц азы абри азҵаара азҿлымҳара, ахылаԥшра азырузҭгьы, ахәырма рацәаны иԥхасҭахомызт, гарҭа рымамкәа иқәхоит.Иаагозар , Гәдоуҭа араион аиашьара ҳабжьоуп Смоленски ҳареи. Уи аобласт Аԥсны иаадрыхо зегьы иргаратәы иҟоуп. Араион администрациа аҟынтәи шьоукы шьҭызҭгьы, еицәажәазҭгьы, дара рзгьы ҳанхацәа рзгьы ибзиан. Ҭыԥк ҟаҵазар иахьырго ашәыр", - иҳәеит Ҳалуашь.
Аицәажәара инеиҵыхны ишәаҳар шәылшоит аудиофаил аҟны.
Ажәабжьқәа зегьы
0