Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Кобесова далацәажәеит Аԥсны Урыстәыла алогистика ныррас ианаҭарц зылшо

КПП Псоу - Sputnik Аҧсны, 1920, 17.11.2022
Анапаҵаҩра
НовостиTelegram
Sputnik аинтервиу аҭо Аԥсны иҟоу Урыстәыла ахәаахәҭратә хаҭарнак Залина Кобесова далацәажәеит агеополитикатә ҭагылазаашьа ҿыцқәеи асанкциақәеи раамҭаз Аԥсны ҵакыс инанагӡар алшо атәы.
АҞӘА, абҵара 17 – Sputnik. Аԥсны аҵак ду нанагӡар ҟалоит агеополитикатә ҭагылазаашьа ҿыцқәеи аекономикатә ҽыԥсахрақәеи атранспорт-логистикатә хырхарҭақәа реиҭакразы ҳәа лҳәеит Sputnik аинтервиу азҭаз Аԥсны иҟоу Урыстәыла ахәаахәҭратә хаҭарнак Залина Кобесова.
Граница Псоу  - Sputnik Аҧсны, 1920, 17.11.2022
Аԥсны
Ахәаахәҭратә еикәыршара шеизырҳатәу далацәажәеит Урыстәыла ахәаахәҭратә хаҭарнак
Лара лажәақәа рыла, адунеи аҿы аҽыԥсахра дуқәа мҩаԥысуеит, иара убас аекономикатә еизыҟазаашьақәа рыҿгьы. Раԥхьатәи рбаганы иҟоу иреиуоуп атранспорт-логистикатә хырхарҭақәа реиҭакра, европатәи аџьармыкьақәа рҟынтәи Алада-мрагыларатәи Азиа, Мрагылара Ааигәа, Африка, Латынтәи Америка аџьармыкьақәа рахь риагара.
"Арҭ апроцессқәа рҿы аиҭарҿыцра зҭаху абаӷәазатә инфраструктура змоу тәылак аҳасаб ала Аԥсны ароль ду нанагӡар алшоит", - ҳәа лҳәеит лара.
Кобесова илҳәеит азҵаара рацәа шцәырҵуа аҳәаа иахысуа рганахь ала, аха агәыӷра аалырԥшит абри ахырхарҭаҿы хара имгакәа иахәҭоу ашьаҿақәа ҟаҵахап ҳәа.
Ажәабжьқәа зегьы
0