Микрофон  - Sputnik Аҧсны, 1920
Арадио

Гыцба Европатәи апарламент аӡбамҭазы: аԥсҭазаараҿы ишыҟало аҳәара заацәоуп

Гыцба Европатәи апарламент аӡбамҭазы: аԥсҭазаараҿы ишыҟало аҳәара заацәоуп
Анапаҵаҩра
НовостиTelegram
Европатәи апарламент Аԥсни, Аахыҵ Уаԥстәылеи, Ҟрыми инхо, Урыстәылатәи атәылауаҩра змоу адунеи аҟны рнеиааира аԥкрақәа аланагалеит. Арадио Sputnik аефир аҟны атема ахҳәаа аиҭеит Аԥсны Жәлар реизара адепутат Инар Гыцба.
Европатәи Аидгыла Ахеилаки Апарламенти "Украина аоккупациа зызу аҵакырақәа" рҟни, Аԥсни, Аахыҵ Уаԥстәылеи ирыҭоу Урыстәыла атәылауаҩшәҟәқәа рыла авизақәа рыҭара мап шацәыркуа еиқәшаҳаҭхеит. Абри атәы аҳәоит Ахеилак адырраҭараҿы.
"Ари аԥҟара аус шауа макьана инҭкааны иҳаздырӡом, аха сара шәсазҵаауазар рацәак аҽаԥсахӡом аҭагылазаашьа. Ари аԥҟара иполитикатәуп ҳәа ус избоит. Иара еснагь иацуп егьырҭ аԥҟарақәа. Иҟалап, аҵара зҵо астудентцәа аршаҳаҭга рымазар Европатәи ауниверситетқәа ишырҭоу, убри аҭагылазаашьа иаҳа иамариар. Есымша ус иҟан, уажәгьы ус иҟалоит ҳәа сгәы иаанагоит. Ачымазара цәгьа змоу рганахьалагьы аҭагылазаашьа иаҳа ирмариахар ҟалоит. Макьана ари аԥҟара аԥсҭазаараҟны ишыҟало аҳәара заацәоуп. Иармариаӡом, хымԥада, аҭагылазаашьа. Исҳәар исҭаху, уи инамаданы иҳамоу алшара маҷқәа ҳхы иархәаны, Женеватәи аицәажәаракәа рҿы аума, арахь уаантәи ианҳзаауа аума, ҳтәылауаҩшәҟәқәа рыла егьырҭ атәылақәа рҿы авиза ҳаурц азы азҵаара лассы-ласс ирџьбараны ишьҭаҳхлароуп ҳәа сыԥхьаӡоит", - иҳәеит Гыцба.
Аицәажәара инеиҵыхны ишәаҳар шәылшоит аудиофаил аҟны.
Ажәабжьқәа зегьы
0