Еицырдыруа ахьыӡқәа: Аламиа Тарас Шамба изкны
16:18 08.12.2022 (ирҿыцуп: 16:22 08.12.2022)
Еицырдыруа ахьыӡқәа: Аламиа Тарас Шамба изкны
Анапаҵаҩра
Ауаажәларратә усзуҩ, апоет Геннади Аламиа арадио Sputnik аефир аҟны "Жәлар рхада" ҳәа ззырҳәоз аҳәынҭқарратәи ауаажәларратәи усзуҩ Тарас Шамба Адунеизегьтәи Аԥсуа-абаза Конгресс аиҿкаареи аусуреи аҟны илагала атәы иҳәеит.
"Тарас даара иџьабаа дуун, аха иҟазшьа бзиа, иуаҩра, абарҭқәа ихы иархәаны, дахьаацәырҵуаз длашырбаганы зегьы идиԥхьало, ахәшҭаара бзиак аԥшәма еиԥш, ус иаахжәаны "шәца-шәааи" ҳәа акәымкәа, уи ԥсыуалоуп, ԥсышәароуп, арахь ихьаԥшуа иҟаиҵеит ҳдиаспора зегьы. Ҳдиаспора ахьыҟоу 40 ҳәынҭқарра ҳамҳәои, иара абжеиҳарак дахьымнеиз ыҟам… Адунеизегьтәи Аԥсуа-абаза конгресс зеиҿкааз хьтәы нбанла иара аԥҟаԥҵәа иануп аԥсуа жәлар рыԥсадгьыл ахь рырхынҳәра аус ауп изызку ҳәа. Ацхыраарас ирҭаху рыԥсадгьыл аҟны ианааилак, абра ишьақәгылартә еиԥш аҟаҵара ауп", - иҳәеит Аламиа.
Аицәажәара иаҳа инеиҵыхны ишәаҳар шәылшоит аудиофаил аҟны.
