Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аҟәа ахадараҿ еиҭарҳәеит аныҳәамшқәа раан уснагӡатәқәас имҩаԥгахо

© Sputnik / Томас Тхайцук Новогодние украшения Сухумской елки
Новогодние украшения Сухумской елки  - Sputnik Аҧсны, 1920, 16.12.2022
Анапаҵаҩра
НовостиTelegram
Аҳҭнықалақь ауааԥсыра аныҳәамшқәа раан ирзыԥшуп аконцертқәа, ахәыҷқәа рзы ақәгыларақәа, акинофильмқәа рбара, шьыжьынӡа акәашарақәа.
АҞӘА, ԥхынҷкәын 16 – Sputnik. Аҟәа ақалақь аҿы Ашықәсҿыцазтәи аԥсаӡ аартра ԥхынҷкәын 25 рзы иазыԥхьагәаҭоуп ҳәа арадио Sputnik иазеиҭалҳәеит аҳҭнықалақь ахадара акультура аусбарҭа аиҳабы Наала Ҳашыгԥҳа.
Лара лажәақәа рыла, ԥхынҷкәын 25 рзы Ахақәиҭра ашҭаҿы аныҳәатә концерт мҩаԥгахоит. Анаҩс, Қьырсаныҳәа аҟынӡа есыҽны ара ахәыҷқәа рзы агәмырҿыӷьгатә уснагӡатәқәа мҩаԥыслоит, иаартхоит ахәаахәҭратә павильонқәа. Иаартхоит акинотеатр. Изҭаху зегьы ироуеит алшара аԥсышәала акинофильмқәеи амультфильмқәеи рыхәаԥшра.
Уи адагьы еиҿкаахоит акараоке, шьыжьы инаркны хәлаанӡа ашҭа ашәабжь ықәыҩлоит. Ҳашыгԥҳа иазгәалҭеит сынтәа уаанӡа аасҭа аԥсаӡ, ашҭа, апарк еиҳа ишырлашахо. Иҿыцу алашаратә инсталлиациақәа ақалақь аҿы иқәыргылахоит. Алашараз аиԥҟьара ҟамларц азы аԥсаӡ агенераторқәа ҩба аздырхиоит.
Уи адагьы Амҳаџьыраа рыԥшаҳәаҿы, Баграт Шьынқәба ихьӡ зху апарк аҿы, Багаԥшь ихьӡ зху ашҭаҿ, Адраматә театр ашҭаҿ аинструменталтә ансамбльқәа рықәгыларақәеи еиуеиԥшым ауснагӡатәқәеи еиҿкаахоит.
Ԥхынҷкәын 26 - 30 рзы ахәыҷқәа рзы аҳҭнықалақь араионқәа фба рҿы аныҳәатә уснагӡатәқәа иеҿкаахоит. Ашықәс ҿыц ауха шьыжьынӡа адиџьеи ауаа ирлахҿыхлоит. Асааҭ аказы аныҳәатә салиут иазыԥшуп.
Ажәабжьқәа зегьы
0