Микрофон  - Sputnik Аҧсны, 1920
Арадио

Ҳашыгԥҳа Ашықәс ҿыц аҳҭнықалақь аҿы иазкны: Ахақәиҭра ашҭа иаҳа иҩычахоит, иаҳа иԥшӡахоит

Ҳашыӷԥҳа Ашықәс ҿыц аҳҭнықалақь аҿы иазкны: Ахақәиҭра ашҭа иаҳа иҩычахоит, иаҳа иԥшӡахоит
Анапаҵаҩра
НовостиTelegram
Аҟәа ақалақь ахадара акультуратә усбарҭа аиҳабы Наала Ҳашыгԥҳа арадио Sputnik аефир аҿы еиҭалҳәеит Ашықәс ҿыц аныҳәазы аҳҭнықалақь аҿы еиҿкаахо аусмҩаԥгатәқәа ртәы.
Сынтәатәи аԥсаӡҵла егьырҭ ашықәсқәа раан иҟаз излареиԥшымхо убри ауп, иаҳа афымцалашарала иҩычахоит. Ирԥшӡахоит иара убас абаҳча зегьы, аныҳәатә гәалаҟазаара роуртә еиԥш уахь инеиуа зегьы, ҳәа азгәалҭеит аиҿцәажәараҿы Ҳашыгԥҳа.
"Амза 25 рзы еиҿкаахоит аныҳәатә программа, уи амш инаркны ихацыркхоит есыҽнытәы аусмҩаԥгатәқәа. Қьырса аныҳәа аҟынӡа имҩаԥгахалоит арлахҿыхратә усхкқәа. Иара убра иҟалоит апавилионқәа, ак ааухар ахьалшо", - ҳәа лҳәеит Ҳашыгԥҳа.
Аҟәа ақалақь ахадара акультуратә усбарҭа аиҳабы аҳәара ҟалҵеит Ахақәиҭра ашҭахь инеиуа зегьы ацқьара иахылаԥшлартә еиԥш.
"Есыҽны амузыка абжьы галоит, убригьы ҿыцны иалагалоуп сынтәа. Еиԥҟьарада афымцалашара ҟаларцаз, адизель дуқәа ҩба еиқәҳаршәеит", - ҳәа азгәалҭеит Ҳашыӷԥҳа.
Наала Ҳашыгԥҳа иара убасгьы еиҭалҳәеит, ақалақь ауааԥсыреи асасцәеи Ашықәс ҿыц ауха ирзыԥшу атәы.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0