Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Ҩыџьа аҳәаанырцәуаа 200 грамм аметодон рымхуп Аԥсны

© Sputnik / Алексей ФилипповОбвиняемый в наручниках в Басманном суде Москвы
Обвиняемый в наручниках в Басманном суде Москвы - Sputnik Аҧсны, 1920, 16.12.2022
Анапаҵаҩра
НовостиTelegram
Иаанкылоу анаркотикқәа аладырҵәон Гагреи Гәдоуҭеи, еилаҳәарацыԥхьаӡа ахә рзахыршәаауан.
АҞӘА, ԥхынҷкәын 16 - Sputnik. Аԥсны ААР аусуҩцәа ареспублика аҵакыраҿы иааныркылеит Урыстәылеи Азербаиџьани ртәылауаа, урҭ ирыдбалан 200 грамм аметадон ҳәа аанацҳауеит аусбарҭа апресс-маҵзура.
29 шықәса зхыҵуа, Шәача инхо Владимир Покандиук аҳәынҭқарратә ҳәаа дахьахысыз даанкылан. Иара идбалан 91,2 грамм аметадон. Уи адагьы, ахаҵа идбалан аелектронтә капангақәа, аихшаратә пакетқәа, аилаҳәаратә материал, "Лирика" акапсулақәа зҭаԥсаз блистер.
Иазгәаҭоуп анаркомҩангаҩы Аԥсны уаанӡагьы дшаахьаз, уаанӡа ишьақәыргылам ахаҿы, "Ликуся" ҳәа ахьӡшьара змаз иҽимаданы анаркотикқәа шааихәаз, анаҩс урҭ аҵәахырҭақәа рҿы рышьҭаҵарала ишиҭиуаз.
Азинхьчаҩцәа арҭ аҵәахырҭақәа, Гагра амшыԥшаҳәаҿи Гәдоуҭа Ленин ихьӡ зху апарки рҿы иаадырԥшит, уа ирбеит зыкапан 2,55 грамм иҟоу аилаҳәарақәа фба. Ҵәахырҭацыԥхьаӡа рзы Покандиук 1000 -1000 мааҭ иоуан.
Аусӡбара ишьақәнаргылеит иаанкылоу даҽа уаҩԥсык иҽимеидараны дшыҟаз анаркотикқәа рыҭиразы. Ишьақәдыргылеит уи Азербаиџьан атәылауаҩ, аамҭала Гагра инхо Роза Маммадова шлакәыз. Маммадова илыдбалан аметадон, 105 грамм иҟаз. Маммадова уи азы илзыршәараны иҟан 500 доллар. Маммадовеи ахԥатәи ахаҿи, зыхьӡ макьаназ идмырзо анаркотикқәа аладырҵәон аҵәахырҭақәа рҿы.
Гагра Приморсктәи апарк аҿы иаарԥшын аҵәахырҭақәа ԥшьба. Урҭ рҿы Маммадова 1,7 грамм аметадон ҵәахны илыман. Владимиру Покандиук ихарарҵоит закәаншьаҭада анаркотикқәа раахәара, рымҩангара, рыҵәахра, иара убасгьы рыҭира.
Роза Маммадова илхарарҵоит закәаншьаҭада анаркотикқәа реикәыршара, еиқәшаҳаҭрыла раахәара, рымҩангара, иара убасгьы аҭира хықәкыс иҟаҵаны рыҵәахра. Аусҭҵаара-оперативтәи аоператив-ԥшааратәи уснагӡатәқәа ирыцырҵоит.
Ажәабжьқәа зегьы
0