Микрофон  - Sputnik Аҧсны, 1920
Арадио

Хра злоу ахҭысқәа: Ҭыжәбеи Џьопуеи амандарина аҭиразы ауадаҩрақәеи урҭ раԥыхреи ирызкны

Хра злоу ахҭысқәа: Ҭыжәбеи Џьопуеи амандарин аҭиразы ауадаҩрақәеи урҭ раԥыхреи иазкны
Анапаҵаҩра
НовостиTelegram
Џьал ақыҭан инхо, амандарина абаҳча змоу анхаҩы Витали Ҭыжәбеи Аԥсны ақыҭанхамҩа аминистр Беслан Џьопуеи сынтәа амандарина аҭира иацу ауадаҩра атәы арадио Sputnik аефир аҿы иалацәажәеит, азҵаара аӡбараз мҩақәас иазыԥшаатәу атәы рҳәеит.
Витали Ҭыжәба арадиоефир аҿы иҳәеит сынтәа амандарина аҿыхра игәы шақәым ишьақәгылаз ахә иахҟьаны. Абаҳча ду ихала аҿыхра имч ақәхом, ауаа ааганы аҭаареи уи ҭины иурҳауа ахәи еивырго акырӡа ирацәоуп. Иара иажәақәа рыла, амандарина аизгарҭатә ҭыԥқәа рҿы ахә маҷуп, ҵыԥх еиԥш аҭыԥаҿ иааны изго ыҟаӡам.
Ақыҭанхамҩа аминистр иажәақәа рыла, ас еиԥш аҭагылазаашьа шьақәгылеит Урыстәыла аџьармыкьақәа рҿы егьырҭ атәылақәа рҟынтә иаагоу амандарина ахьырацәахаз иахҟьаны, убри аан Аԥснынтә инагоу еиҳа ахә шамоугьы, егьырҭ иаҳа аԥыжәара ргоит. Беслан Џьопуа иҳәеит аҳәынҭқарратә ашәыр еизгарҭақәа ыҟазҭгьы, ахә ашьақәыргылара аус еиҳа хра аманы ишыҟалоз, аха убри аан ус еиԥш аҟаҵара шгәаӷьыуацәоу, аҳәынҭқарра алшарақәа ахьамам азы.
Витали Ҭыжәба игәҭыхеи Беслан Џьопуа иҟоу ауадаҩрақәа рыӡбашьа шибои атәы шәазыӡырҩыр шәылшоит аудиофаил аҿы.
Ажәабжьқәа зегьы
0