https://sputnik-abkhazia.info/20221222/abziabarei-asrei-ibragim-chkadua-ifilm-yts-ayrgara-maysit-sputnik-any-1043247629.html
Абзиабареи аԥсреи: Ибрагим Чкадуа ифильм ҿыц аӡыргара мҩаԥысит Sputnik аҟны
Абзиабареи аԥсреи: Ибрагим Чкадуа ифильм ҿыц аӡыргара мҩаԥысит Sputnik аҟны
Sputnik Аҧсны
Ари афильм аамҭа уадаҩқәа раан иузааигәоу рыбзиабара, адунеиаҿ иҟалалакгьы абзиабара аҭыԥ аҟазаара, агәалашәареи арыцҳашьареи ирызкуп. 22.12.2022, Sputnik Аҧсны
2022-12-22T14:50+0300
2022-12-22T14:50+0300
2022-12-22T15:09+0300
аԥсны
ажәабжьқәа
акультура
https://cdnn1.img.sputnik-abkhazia.info/img/07e6/0c/16/1043243843_0:161:3067:1886_1920x0_80_0_0_ee5035e102555f5fa946e6988f66bc76.jpg
АҞӘА, ԥхынҷкәын 22 – Sputnik, Бадраҟ Аҩӡба. Аинформациатә маҵзура Sputnik Аԥсны апресс-центр аҿы имҩаԥысит зметраж кьаҿу Ибрагим Чкадуа ифильм "Апотреҭ" аӡыргара. Чкадуа афильм аҭыхра адагьы асценари иҩит. Актиор, арежиссиор Џьамбул Жорданиа афильм афырхаҵа хада – афотоҭыхыҩ ироль неигӡеит. Аҩбатәи аперсонаж ироль неигӡеит Сырбеи Сангәулиа. "Сара иаразнак Џьамбул ароль хада данаалоны дызбеит. Аҭыхра аамҭа ҳцәагеит. Иақәшәоз аамҭаз иҭыхтәын. Убри аан актиорцәа рыҽдырԥсыҽыр ҟаломызт. Аҭыхрақәа аамҭа анрыбжьалалак иуадаҩуп. Аха зегь маншәалахеит. Аусеицура мариан", - ҳәа иҳәоит Чкадуа. Џьамбул Жорданиа иҳәеит ажәамаана данаԥхьа иара аԥсихологиатә кәамаҵамара шџьеишьаз. "Ари сценариӡамызт, ижәабжьын. Ауаҩы афотоҭыхыҩ иахь саныԥслак ҳәа ифотосахьа ҭихырц дшааиз атәы зҳәоз жәабжьын. Атыҟәаҿ уаннеиуа еилукаауеит арҭ ацәаныррақәа ҳахьынӡарыцәшәо. Ҳҭаацәа 50-50 шықәса еиҳаны ишеицынхогьы ауаа рҟны реизыҟазаашьақәа рӡоит, рыԥхарра аадырԥшуам, уи акәым аӡәы ианиаҳауа игәрымуеит", - ҳәа иҳәоит Жорданиа. Афильм аҿы апоет ҿа Аинар Ҷыҭанаа иажәақәа рыла Џьамбул Жорданиа ииҩыз ашәа нагӡоуп. "Сара Аинар иажәеинраалақәа ирылхны ашәақәа ҩба зҩит. Аҽа ашәак иқәсыргылараны иҟоу аспектакль азы иазырхиоуп. Ари арԥыс ирҿиамҭақәа срызхьаԥшуеит. Ашәа иалнаршеит афильм аҿы иааԥшырц иаҳҭахыз ацәанырра арҵаулара, арҭбаара", - ҳәа иҳәеит иара. "Апатреҭ" аҭыхра спонсорс иаман аилахәыра "Аҟәафон". Аилахәыра асоциалтә проектқәа рзы аменеџьер Ҭемыр Гәыргәылиа иажәақәа рыла аилахәыреи Ибрагим Чкадуеи акырҵуеит аус еицыруеижьҭеи. "Аилахәыра ацхыраарала иара убасгьы рҭыжьра алыршахеит Ибрагим иусумҭақәа - "Ахаҳә алхра", Фазиль Искандер 85-шықәса ихыҵра иазкыз адокументалтә фильм. Уажәы афильм ҿыц ӡыргоуп", - ҳәа иҳәеит Гәыргәылиа, иагьазгәеиҭеит Чкадуа инапы иҵыҵуа аусумҭақәа ахәаԥшҩы игәаҵанӡа ишнеиуа.
https://sputnik-abkhazia.info/20190813/agba-kadua-isakharkyrat-film-yts-azy-uamakla-astsenari-sgakheit-1028179065.html
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, акультура
Абзиабареи аԥсреи: Ибрагим Чкадуа ифильм ҿыц аӡыргара мҩаԥысит Sputnik аҟны
14:50 22.12.2022 (ирҿыцуп: 15:09 22.12.2022) Ари афильм аамҭа уадаҩқәа раан иузааигәоу рыбзиабара, адунеиаҿ иҟалалакгьы абзиабара аҭыԥ аҟазаара, агәалашәареи арыцҳашьареи ирызкуп.
АҞӘА, ԥхынҷкәын 22 – Sputnik, Бадраҟ Аҩӡба. Аинформациатә маҵзура Sputnik Аԥсны апресс-центр аҿы имҩаԥысит зметраж кьаҿу Ибрагим Чкадуа ифильм "Апотреҭ" аӡыргара.
Чкадуа афильм аҭыхра адагьы асценари иҩит.
"Ажәамаана аԥсра атема иалацәажәоит. Иара аҭыхра сгәы ианҭаскыз COVID-19 алаҵәара аман. Ҭаацәала аԥсҭбарақәа ыҟан. Аԥсра уаҩ дахыччом. Аԥсуаа аԥсра мексикаа реиԥш иазыҟоуп – иацәшәоит, пату ақәырҵоит, зны-зынлагьы ршәара рҵәахырц акәхап иахыччоит", - ҳәа иҳәоит Чкадуа.
Актиор, арежиссиор Џьамбул Жорданиа афильм афырхаҵа хада – афотоҭыхыҩ ироль неигӡеит. Аҩбатәи аперсонаж ироль неигӡеит Сырбеи Сангәулиа.
"Сара иаразнак Џьамбул ароль хада данаалоны дызбеит. Аҭыхра аамҭа ҳцәагеит. Иақәшәоз аамҭаз иҭыхтәын. Убри аан актиорцәа рыҽдырԥсыҽыр ҟаломызт. Аҭыхрақәа аамҭа анрыбжьалалак иуадаҩуп. Аха зегь маншәалахеит. Аусеицура мариан", - ҳәа иҳәоит Чкадуа.
Џьамбул Жорданиа иҳәеит ажәамаана данаԥхьа иара аԥсихологиатә кәамаҵамара шџьеишьаз.
"Ари сценариӡамызт, ижәабжьын. Ауаҩы афотоҭыхыҩ иахь саныԥслак ҳәа ифотосахьа ҭихырц дшааиз атәы зҳәоз жәабжьын. Атыҟәаҿ уаннеиуа еилукаауеит арҭ ацәаныррақәа ҳахьынӡарыцәшәо. Ҳҭаацәа 50-50 шықәса еиҳаны ишеицынхогьы ауаа рҟны реизыҟазаашьақәа рӡоит, рыԥхарра аадырԥшуам, уи акәым аӡәы ианиаҳауа игәрымуеит", - ҳәа иҳәоит Жорданиа.
Афильм аҿы апоет ҿа Аинар Ҷыҭанаа иажәақәа рыла Џьамбул Жорданиа ииҩыз ашәа нагӡоуп.
"Сара Аинар иажәеинраалақәа ирылхны ашәақәа ҩба зҩит. Аҽа ашәак иқәсыргылараны иҟоу аспектакль азы иазырхиоуп. Ари арԥыс ирҿиамҭақәа срызхьаԥшуеит. Ашәа иалнаршеит афильм аҿы иааԥшырц иаҳҭахыз ацәанырра арҵаулара, арҭбаара", - ҳәа иҳәеит иара.
"Апатреҭ" аҭыхра спонсорс иаман аилахәыра "Аҟәафон". Аилахәыра асоциалтә проектқәа рзы аменеџьер Ҭемыр Гәыргәылиа иажәақәа рыла аилахәыреи Ибрагим Чкадуеи акырҵуеит аус еицыруеижьҭеи.
"Аилахәыра ацхыраарала иара убасгьы рҭыжьра алыршахеит Ибрагим иусумҭақәа - "Ахаҳә алхра", Фазиль Искандер 85-шықәса ихыҵра иазкыз адокументалтә фильм. Уажәы афильм ҿыц ӡыргоуп", - ҳәа иҳәеит Гәыргәылиа, иагьазгәеиҭеит Чкадуа инапы иҵыҵуа аусумҭақәа ахәаԥшҩы игәаҵанӡа ишнеиуа.
