Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥсны ашықәсҿыцазтәи аԥсаӡ хада аҿаркит аҳҭнықалақь аҿы

© Sputnik / Леон Адлейба Открытие елки в Сухуме 25-12-2022
Открытие елки в Сухуме 25-12-2022 - Sputnik Аҧсны, 1920, 25.12.2022
Анапаҵаҩра
НовостиTelegram
Аҟәа Ахақәиҭра ашҭаҿы ашықәсҿыцазтәи аԥсаӡ гылазаауеит ажьырныҳәамза аҽеиҩшамҭанӡа.
АҞӘА, ԥхынҷкәын 25 – Sputnik, Бадри Есиава. Аа-метрак зоура ыҟоу Аԥсны аԥсаӡ хада еилаарцыруа иаҿаркит Аҟәа амҽыша ԥхынҷкәын 25 рзы.
Аҟәа ақалақь ахадара акультуратә усбарҭа аиҳабы Наала Ҳашыгԥҳа ишазгәалҭаз ала, сынтәатәи аԥсаӡ ҵыԥхтәи иеиԥшымкәа еиҿыркааит, уажәы иара ҩычоуп аиаҵәа, ахьтәыԥшшәыла, амалинаԥшшәы рыла.
"Иара убас аԥсаӡ иахакнаҳау афымца уарҳал еиҳа еилаарцыруеит. Ашҭа акәшамыкәша иҟоу зегьы еиҳа ирԥшӡоуп, алакә аҿы уҟоушәа угәы иабоит. Ҵыԥх игылақәаз арԥшӡагақәа зегьы Ешба ихьӡ зху апарк ахь ииагоуп. Сгәанала, ақалақьуаа ргәы иахәоит Аҟәа шырԥшӡоу", - лҳәеит Ҳашыгԥҳа.
Лара лажәа иацҵо илҳәеит Ахақәиҭра ашҭаҿы ишдыргылахьоу аныҳәа ианааланы иҩычоу ахәаахәҭырҭақәа. Сынтәа урҭ рхыԥхьаӡара ҩынтә еиҳауп.
Аҟәа Ахақәиҭра ашҭаҿы ашықәсҿыцазтәи аԥсаӡ хада аартра аҽны имҩаԥысит акәашаратәи ашәаҳәаратәи гәыԥқәеи аԥсуа естрада ашәаҳәаҩцәеи злахәыз агәырӷьаратә концерт.
Ажәабжьқәа зегьы
0