Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аусдырҩы аӡын ишьақәгылаз аҳауаԥхарра амагнолиа ашәҭра ишаныруа атәы еиҭеиҳәеит

© Sputnik / Марианна Кубрава В Абхазии зацвела Магнолия Суланжа
В Абхазии зацвела Магнолия Суланжа  - Sputnik Аҧсны, 1920, 17.01.2023
Анапаҵаҩра
НовостиTelegram
Шәачатәи амилаҭтә парк аусзуҩцәа ишырҳәо ала аӡын аҳауаԥхарра амагнолиа заанаҵы иаршәҭыр шауа, уи ашәҭ азы ишшәарҭо.
АҞӘА, ажьырныҳәа 17 - Sputnik, Сариа Кәарцхьиаԥҳа. Аӡынтәи аҳауаԥхарра амагнолиа ашәҭра ианырыр алшоит, абри атәы иҳәеит Sputnik акорреспондент дзыҿцәажәаз абиологиатә ҭҵаарадыррақәа рдоктор, АА академик Сергеи Бебиа.
Иара иажәақәа рыла, аԥхаррақәа амагнолиа заанаҵы иаршәҭыр ауеит, аха ишәҭышхоит ҳәа ирҳәо агәаанагара шиашам.
"Аҵла шәҭуеит ааԥынразы. Уажәы иҟалоит ҭыԥқәак рҿы ишәҭыр, ашәҭыцқәа ԥыҭрак ашьҭахь икаԥсоит, аха иаанхоит ашәҭ апытҟәыр. Уи ишаабац аиԥш ааԥынразы еиҭашәҭуеит. Асеиԥш изныкымкәа иҟалахьеит, аха ахьҭақәа аныҟалалак ирԥырхагахоит. Аҵааршәқәа аниаслак апытҟәыр еиҭашәҭуеит. Амагнолиа акраамҭа ишәҭуа, субтропикатә ҵиаауп. Аҳауатә еиҭакрақәа ахнагоит", - иҳәеит аҵарауаҩ.
Ажьырныҳәа агәҭазы Аԥсны аҳауа +15 градус инаӡоит, аха аҳауагәаҭыҩцәа ишырҳәо ала амза анҵәамҭаз ихьҭахоит.
Ареспубликаҿ 20 хкы рҟынӡа амагнолиа ирызҳауеит. Заа ишәҭуа иреиуоуп - магнолиа суланжа. Ари ашәҭ Гагра, Аҟәа, Очамчыра амҩақәа арԥшӡоит. Аҟәа, ашәҭ еиҭаҳауп- Леон имҩаду аҿы.
Ажәабжьқәа зегьы
0