Микрофон  - Sputnik Аҧсны, 1920
Арадио

Атәылауаҩи аиҳабыреи: Џьапуа иҳаҩсыз ашықәс ақыҭанхамҩазы изеиԥшраз, хыдҵақәас ирымоу ртәы

Атәылауаҩи аиҳабыреи: Џьапуа иҳаҩсыз ашықәс ақыҭанхамҩазы изеиԥшраз, хыдҵақәас ирымоу атәы
Анапаҵаҩра
НовостиTelegram
Аԥсны ақыҭанхамҩа аминистрразы иҳаҩсыз 2022 ашықәс зеиԥшраз, лҵшәақәас иҟоу, ҳазҭалаз ашықәс азы иарбан хыдҵақәоу раԥхьа иқәгылоу ртәы арадио Sputnik аефир аҟны далацәажәеит аԥыза-министр актәи ихаҭыԥуаҩ, ақыҭанхамҩа аминистр Беслан Џьапуа.
Ақыҭанхамҩа аҿиара иадҳәалоу апрограмма Аԥсны ҩышықәса имҩаԥысхьеит, сынтәа ахԥатәи ашықәс ирҭоуп, иҳәеит Џьапуа. Иара еиҭеиҳәеит ацитрустә шәырқәа рганахьала сынтәа аҭагылазаашьа зеиԥшраз.
"Иахьазы аҳәаа иахыргахьеит 33 нызқьи 390 тонна. Ҵыԥх уажәааны иахыган 20 нызқь тонна, аха арҭ ашықәсқәа реиҿырԥшра ииашамзар ҟалап, избанзар ҵыԥх аарыхра иаҳа имаҷын. Иаагозар 2020 шықәса, усҟан ари аамҭазы 50 нызқь тонна рҟынӡа аҳәаа иахыган ацитрус шәырқәа. Сынтәа еиҳаны иахысраны иҟан, аха аҳәааҟны ауадаҩрақәа ыҟан, насгьы иаазхәоз иаҳа имаҷын. Усҟан апандемиа аума, иара убас Урыстәыла аганахьала иалагалаз асанкциақәа ирыхҟьаны аума, еиҳарак Аԥснынтә акәын ишнаргоз аалыҵ. Сынтәа ауадаҩрақәа ыҟан, ахыгара арежим хәыҷык ирыԥсахит, иҟан аарыхра амашьынақәа ианрықәырхоз. Арҭқәа Урыстәыла имҩаԥнаго аоперациа ҷыда иадҳәалоуп, аҳәаақәа рҟны даҽакала аус руеит. Еиҳараӡак ахатә баҳчақәа змоу амандарина аҭиира зцәыуадаҩхаз ыҟоуп. Абас еиԥш аҭагылазаашьа ыҟоуп, аха уеизгьы ицәгьоуп ҳәа ҳазҳәом", - иҳәеит Џьапуа.
Аицәажәара инеиҵыхны ишәаҳар шәылшоит аудиофаил аҟны хыхь.
Ажәабжьқәа зегьы
0