Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Арӡынба Приднестровие адәныҟатәи аусқәа рминистр адныҳәаларатә шәҟәы изишьҭит

© Sputnik / Томас Тхайцук Инал Ардзинба
Инал Ардзинба  - Sputnik Аҧсны, 1920, 22.01.2023
Анапаҵаҩра
НовостиTelegram
30 шықәса раԥхьа Аԥсны Аҳәынҭқарреи Приднестровие-Молдавиатәи Ареспубликеи Аиҩызаразы аиқәшаҳаҭра рыбжьарҵеит. Адокумент рнапы аҵарҩит Владислав Арӡынбеи Игорь Смирнови.
АҞӘА, ажьырныҳәа 22 - Sputnik. Аԥсны Адәныҟатәи аусқәа рминистр Инал Арӡынба Приднестровиетәи иколлега Витали Игнатиев адныҳәаларатә шәҟәы изишьҭит Аиҩызареи аусеицуреи рзы Аиқәшаҳаҭра рыбжьарҵеижьҭеи 30 шықәса ахьҵыз инамаданы.

"1992-1993 шықәса рызтәи Аԥсны Аџьынџьтәылатә еибашьра аилашымҭаз нап зҵаҩыз ари аиқәшаҳаҭра хада аҩмилаҭк ганрацәала реимадара арҿиареи арӷәӷәареи рзы исимволхеит. Иара уасхырс ирзыҟалеит еиуеиԥшым аусхкқәа рҿы аизыҟазаашьа бзиақәа, традициала ирыбжьаз аиҩызара, агәреибагара еиҳагьы иарӷәӷәеит", - ҳәа азгәеиҭеит Арӡынба.

Иазгәаҭоуп Аԥсни Приднестровиеи рыбжьара иҟоу аиқәшаҳаҭра-зинтә шьаҭа ишахыԥхьаӡалоу ҩажәижәаба рҟынӡа адокументқәа.
Работа логистического почтового центра в Новосибирской области - Sputnik Аҧсны, 1920, 22.01.2023
Аԥсны
Приднестровие Аԥсни дареи реиҩызара 30 шықәса ахыҵра аҳаҭыразы амаркақәа ҭрыжьит
Ажәабжьқәа зегьы
0