https://sputnik-abkhazia.info/20230211/aatsy-iou-alyma-rpark-praid-asarkta-aanakheit-1044065825.html
Аацы иҟоу алымқәа рпарк "Праид" аԥсаркәтқәа аанахәеит
Аацы иҟоу алымқәа рпарк "Праид" аԥсаркәтқәа аанахәеит
Sputnik Аҧсны
Аацы иҟоу алымқәа рпарк "Праид" индиатәи аԥсаркәтқәа аанахәеит Аҟәа, ахатәхаҿқәа рҿы. 11.02.2023, Sputnik Аҧсны
2023-02-11T10:00+0300
2023-02-11T10:00+0300
2023-02-11T10:00+0300
аԥсны
ажәабжьқәа
https://cdnn1.img.sputnik-abkhazia.info/img/07e7/02/09/1044045087_0:120:1280:840_1920x0_80_0_0_14b521aee3b19d75c9b25f8de40bd943.jpg
АҞӘА, жәабран 11 – Sputnik, Бадри Есиава. Индиатәи аԥсаркәтқәа Аацы иҟоу Алымқәа рпарк "Праид" аҿы инанагеит, абри атәы Sputnik акорреспондент изеиҭеиҳәеит аобиект аицаԥҵаҩцәа руаӡәк Олег Кононов."Дара ирзаԥҵоуп иахәҭоу аҭагылазаашьақәа. Уажәы урҭ аӡынтәи аҭрақәа ирҭакуп. Ирыкәыршаны ихкаауп. Аҭыԥ иашьцылароуп, иҭымԥраарц иаршьцылатәуп. Аԥхаррақәа ҟалар, ашьац аар, адәахьы иоуҳашьҭлоит. Аԥш, азараҟьа, ачакакал, акәтыжь, акәац рфоит", - иҳәеит иара. Аԥсаатәқәа макьана ахьӡқәа рырымҭацт. Кононов иажәақәа рыла, аԥсаатәқәа рыԥшӡара адагьы ихәарҭоуп. Урҭ ашәарҭарақәа рықәҿырҭуеит, ихьчацәоуп. "Рҵакыраҿы џьара акы шынеиҭаҵ-ааиҭаҵуа рбар, аҳәҳәара иалагоит. Уцәазаргьы, уаадырԥшуеит. Аԥсаркәтқәа зынӡа аа-хкык ыҟоуп. Аԥснытәи аҳауа рзыбзиоуп. Индиагьы аԥхын ишоуроуп, аӡын -10 градус ыҟоуп", - иҳәеит иара. Кононов иазгәеиҭеит апарк аҽшарҭбаауа. 2022 шықәса абҵарамзазы Пупс захьӡу амуртәи абнацгәы ааргеит, амахҽ Ромео нанҳәамзазы иааган, шықәсык аԥхьа аилаӡара анапы аҵаҩын Владивостокынтә аҽыӷрақәа ҩба раагаразы. Ҳазыԥшуп амшәаԥс Даша, уажәы иара Аҩада Ешыра ҭаацәак рҿы ирааӡоит. "Даша аҭыԥ азырхиатәуп, избанзар амшәқәа анышә ржуеит, уи адагьы аԥхынразы аӡҭачы азыҟаҵатәуп", - иҳәеит Кононов. Кононов иҳәеит апарк аҵакырагь шдырԥшӡо. 2021 шықәса раахыс 23 пальма, урҭ рахьтә аа-пальмак вашингтониа асорт иаҵанакуеит, 212 канн, жә-бугенвилиак, ԥшь-мушмулак, 13 иукка, 112 банан, 27 евкалипт еиҭаҳауп.
https://sputnik-abkhazia.info/20221113/atsyg-du-pups-amurti-abzhas-gdoua-araion-alyma-rpark-ay-inanageit-1042605762.html
https://sputnik-abkhazia.info/20211102/tsezari-sarei-rykhshara-aatsyti-apark-praid-ay-alym-khya-iit-1036168848.html
Sputnik Аҧсны
media@sputniknews.com
+74956456601
MIA „Rosiya Segodnya“
2023
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа
Аацы иҟоу алымқәа рпарк "Праид" аԥсаркәтқәа аанахәеит
Аацы иҟоу алымқәа рпарк "Праид" индиатәи аԥсаркәтқәа аанахәеит Аҟәа, ахатәхаҿқәа рҿы.
АҞӘА, жәабран 11 – Sputnik, Бадри Есиава. Индиатәи аԥсаркәтқәа Аацы иҟоу Алымқәа рпарк "Праид" аҿы инанагеит, абри атәы Sputnik акорреспондент изеиҭеиҳәеит аобиект аицаԥҵаҩцәа руаӡәк Олег Кононов.
"Дара ирзаԥҵоуп иахәҭоу аҭагылазаашьақәа. Уажәы урҭ аӡынтәи аҭрақәа ирҭакуп. Ирыкәыршаны ихкаауп. Аҭыԥ иашьцылароуп, иҭымԥраарц иаршьцылатәуп. Аԥхаррақәа ҟалар, ашьац аар, адәахьы иоуҳашьҭлоит. Аԥш, азараҟьа, ачакакал, акәтыжь, акәац рфоит", - иҳәеит иара.
Аԥсаатәқәа макьана ахьӡқәа рырымҭацт. Кононов иажәақәа рыла, аԥсаатәқәа рыԥшӡара адагьы ихәарҭоуп. Урҭ ашәарҭарақәа рықәҿырҭуеит, ихьчацәоуп.
"Рҵакыраҿы џьара акы шынеиҭаҵ-ааиҭаҵуа рбар, аҳәҳәара иалагоит. Уцәазаргьы, уаадырԥшуеит. Аԥсаркәтқәа зынӡа аа-хкык ыҟоуп. Аԥснытәи аҳауа рзыбзиоуп. Индиагьы аԥхын ишоуроуп, аӡын -10 градус ыҟоуп", - иҳәеит иара.
Кононов иазгәеиҭеит апарк аҽшарҭбаауа. 2022 шықәса абҵарамзазы Пупс захьӡу амуртәи абнацгәы ааргеит, амахҽ Ромео нанҳәамзазы иааган, шықәсык аԥхьа аилаӡара анапы аҵаҩын Владивостокынтә аҽыӷрақәа ҩба раагаразы. Ҳазыԥшуп амшәаԥс Даша, уажәы иара Аҩада Ешыра ҭаацәак рҿы ирааӡоит.
"Даша аҭыԥ азырхиатәуп, избанзар амшәқәа анышә ржуеит, уи адагьы аԥхынразы аӡҭачы азыҟаҵатәуп", - иҳәеит Кононов.
Кононов иҳәеит апарк аҵакырагь шдырԥшӡо. 2021 шықәса раахыс 23 пальма, урҭ рахьтә аа-пальмак вашингтониа асорт иаҵанакуеит, 212 канн, жә-бугенвилиак, ԥшь-мушмулак, 13 иукка, 112 банан, 27 евкалипт еиҭаҳауп.
