Микрофон  - Sputnik Аҧсны, 1920
Арадио

Аветеринар агыгшәыг зыцҳаз арахә рзы: акәац ауаҩы ихы изархәаӡом

Аветеринар агыгшәыг зыцҳаз арахә рзы: акәац ауаҩы ихы изархәаӡом
Анапаҵаҩра
Очамчыра араион аветеринартә усбарҭа аиҳабы Ахра Амҷба арадио Sputnik аефир аҿы еиҭеиҳәеит ишәарҭоу абнатә ԥстәқәа рхыԥхьаӡара аҭышәныртәаларазы ашәарыцаҩцәа радԥхьалара аҭахны изыҟалаз.
Аминистрцәа реилазаара иаднакылеит "2023 шықәсазы ишәарҭоу абнатә ԥстәқәа рхыԥхьаӡара аҭышәныртәаларазы ауснагӡатәқәа рзы" аусдҵа. Аԥсны Аҳәынҭқарратә ветеринартә маҵзура анапы ианҵоуп ишәарҭоу абнатә ԥстәқәа рхыԥхьаӡара аҭышәныртәаларазы хәажәкыра 1 инаркны рашәара 1 аҟынӡа ашәарыцацәа адԥхьаланы рнырҵәара.
"Иаҳхысыз ашықәс иналагӡаны 1000 хы рҟынӡа арахә нырҵәан. Анхацәа аԥхасҭа рыҭан. Иҟоуп ҳзыхьӡаны иаҳхәышәтәыз, иҟоуп иаҳзымыхәшәтәызгьы. Жәы заҵәык ада змамызгьы ауаа анҳақәшәо иҟоуп. Акәац ауаҩы ихы изархәаӡом", - иҳәеит Амҷба.
Аветеринар еиҭеиҳәеит ашәарыцаҩцәа аԥара рызшәара аус шеиҿкаахо атәы.
"Шықәсык аԥхьа ашәарыцаҩцәа гәахәарыла аус руит, алҵшәа убарҭан. Аха шьҭа рхыԥхьаӡара иаҳа иацлеит", - азгәеиҭеит Амҷба.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0