https://sputnik-abkhazia.info/20230305/gablia-eieieit-asny-aprofilt-klassa-raartrazy-rygaka-zeishrou-1044445323.html
Габлиа еиҭеиҳәеит Аԥсны апрофильтә классқәа раартразы рыгәҭакқәа зеиԥшроу
Габлиа еиҭеиҳәеит Аԥсны апрофильтә классқәа раартразы рыгәҭакқәа зеиԥшроу
Sputnik Аҧсны
Аԥсны ашколқәа хԥа рҟны иаадыртхьеит STEM захьӡу азнеишьа иашьашәалоу аҵараиуратә центрқәа хԥа. 05.03.2023, Sputnik Аҧсны
2023-03-05T13:20+0300
2023-03-05T13:20+0300
2023-03-05T13:20+0300
аԥсны
ажәабжьқәа
https://cdnn1.img.sputnik-abkhazia.info/img/07e6/03/0a/1038032313_0:160:3072:1888_1920x0_80_0_0_0949be646c786012088b7cee6be93e91.jpg
АҞӘА, хәажәкыра 5 - Sputnik. Аԥсны ашколқәа шьаҿала-шьаҿала ирыларгаларц ргәы иҭоуп апрофильтә ҵара. Абри атәы арадио Sputnik иазеиҭеиҳәеит аҵара аминистр Инал Габлиа.Уаанӡа жәабранмза анҵәамҭазы Аҵара аминистрреи ИуНИСЕФи иаадыртит ахимиеи, афизикеи, абиологиеи инарҵауланы иахьҭырҵаауа STEM-классқәа хԥа: Аҟәатәи 1-тәи ашкол аҿы, Очамчыратәи 2-тәи ашкол аҿы, Галтәи 1-тәи ашкол аҿы.Акабинеҭқәа еиқәыршәоуп ҳаамҭа иақәшәо атехникала - аинтерактивтә ӷәы, апроектор, акомпиутер. Иҟоуп иара убас аԥышәарақәа ахьымҩаԥырго алабораториагьы. Макьана аҵаиуратә программа шьаҭанкыла аҽаԥсахӡом. Иаабац ашколқәеи акласс ҿыцқәа ахьаадыртыз ашколқәеи рҿы иаку апрограммала аҵара рҵалоит, аха Аҵара аминистрра ргәы иҭоуп апрофильтә ҵара аларҵәара.“Ҳаԥхьаҟа ҳгәы иҭоуп амедицинатә класс аартра. Иҳамоуп ахықәкытә программа, атәыла ахадеи аиҳабыреи рыдгылара змоу. Иара убас методикала иҳацхраарц згәы иҭоу Урыстәылатәи аҵараиура академиа ҳамоуп. Уи наҟ-наҟтәи аетап ауп. STEM-лабораториеи амедицинатә класси ашкол аҿы апрофильтә ҵара шьақәдыргылоит. Афизика, ахимиа, анатомиа рмаҭәарқәа ирзоужьу асааҭқәа ирыцҵахоит. Уажәы иаку апрограммоуп иҳамоу, уи ҳақәныҟәоит, аха иааиуа аҵарашықәс азы абри аҩыза апрофильтә класс ааҳартырц ҳгәы иҭоуп", - иҳәеит Габлиа.Аҵара аминистрраҿы иара убас ргәы иҭоуп агуманитартә хырхарҭа змоу акласси афинансдырра иазырхоу анаплакратә класси раартра.Уаанӡа Гәылрыԥшьтәи абжьаратә школ аҿы иаадыртхьан IT акласс, иара убас даҽа хә-школк рҿы атом-классқәа. Аха, Габлиа иажәақәа рыла, апрофильтә класс аартра мацара азхом, иаҭахуп азыҟаҵара змоу аспециалистцәа.
https://sputnik-abkhazia.info/20230301/asnyti-ashkolkhya-sirius-ay-ararat-programma-ialakhkhar-aloit-1044396318.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Габлиа еиҭеиҳәеит Аԥсны апрофильтә классқәа раартразы рыгәҭакқәа зеиԥшроу
Аԥсны ашколқәа хԥа рҟны иаадыртхьеит STEM захьӡу азнеишьа иашьашәалоу аҵараиуратә центрқәа хԥа.
АҞӘА, хәажәкыра 5 - Sputnik. Аԥсны ашколқәа шьаҿала-шьаҿала ирыларгаларц ргәы иҭоуп апрофильтә ҵара. Абри атәы
арадио Sputnik иазеиҭеиҳәеит аҵара аминистр Инал Габлиа.
Уаанӡа жәабранмза анҵәамҭазы Аҵара аминистрреи ИуНИСЕФи иаадыртит ахимиеи, афизикеи, абиологиеи инарҵауланы иахьҭырҵаауа STEM-классқәа хԥа: Аҟәатәи 1-тәи ашкол аҿы, Очамчыратәи 2-тәи ашкол аҿы, Галтәи 1-тәи ашкол аҿы.
Акабинеҭқәа еиқәыршәоуп ҳаамҭа иақәшәо атехникала - аинтерактивтә ӷәы, апроектор, акомпиутер. Иҟоуп иара убас аԥышәарақәа ахьымҩаԥырго алабораториагьы.
“Иахьатәи аамҭазы аҵараҵаратә зенишьақәа рҽырԥсахит. Уаанӡа, иаҳҳәап, рнацәақәа рыла иддырҩозҭгьы, уажәшьҭа иҟоу лабҽаба иахьубаша, иахьуҵаша алабораториатә маругақәа. Ари иаанаго аҵараиура ахаҭабзиара аизҳароуп", - ҳәа иԥхьаӡоит Габлиа.
Макьана аҵаиуратә программа шьаҭанкыла аҽаԥсахӡом. Иаабац ашколқәеи акласс ҿыцқәа ахьаадыртыз ашколқәеи рҿы иаку апрограммала аҵара рҵалоит, аха Аҵара аминистрра ргәы иҭоуп апрофильтә ҵара аларҵәара.
“Ҳаԥхьаҟа ҳгәы иҭоуп амедицинатә класс аартра. Иҳамоуп ахықәкытә программа, атәыла ахадеи аиҳабыреи рыдгылара змоу. Иара убас методикала иҳацхраарц згәы иҭоу Урыстәылатәи аҵараиура академиа ҳамоуп. Уи наҟ-наҟтәи аетап ауп. STEM-лабораториеи амедицинатә класси ашкол аҿы апрофильтә ҵара шьақәдыргылоит. Афизика, ахимиа, анатомиа рмаҭәарқәа ирзоужьу асааҭқәа ирыцҵахоит. Уажәы иаку апрограммоуп иҳамоу, уи ҳақәныҟәоит, аха иааиуа аҵарашықәс азы абри аҩыза апрофильтә класс ааҳартырц ҳгәы иҭоуп", - иҳәеит Габлиа.
Аҵара аминистрраҿы иара убас ргәы иҭоуп агуманитартә хырхарҭа змоу акласси афинансдырра иазырхоу анаплакратә класси раартра.
Уаанӡа Гәылрыԥшьтәи абжьаратә школ аҿы иаадыртхьан IT акласс, иара убас даҽа хә-школк рҿы атом-классқәа. Аха, Габлиа иажәақәа рыла, апрофильтә класс аартра мацара азхом, иаҭахуп азыҟаҵара змоу аспециалистцәа.
