Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Асыԥсалеира иахҟьаны Риҵатәи апарк миллион мааҭ рҟынӡа ахарџь аиуит

© Foto / Дирекция Рицинского национального реликтового паркаЗаснеженная Рица
Заснеженная Рица  - Sputnik Аҧсны, 1920, 09.03.2023
Анапаҵаҩра
Жәабран 19-25 рыҩнуҵҟа Риҵатәи амилаҭтә парк аҿы жәаҩа сыԥса леиит.
АҞӘА, хәажәкыра 9 – Sputnik, Бадри Есиава. Асыԥсалеира Риҵатәи апарк ахарџь маҷымкәа ианаҭеит, уи миллион мааҭ рҟынӡа инаӡар ҟалоит ҳәа Sputnik иазеиҭеиҳәеит аобиект адиректор Адамыр Багаҭелиа.
Иара иҳәеит 2023 шықәса жәабран 19-25 рыҩнуҵҟа Риҵатәи амилаҭтә парк аҿы жәаҩа сыԥса шлеиз, амҩатә дыргақәа, амҩакәыршақәа, аҵлақәа ааха шрынаҭаз.
"Илеиз асы ҳшақәымгәыӷуаз ала аԥхасҭа ҟанаҵеит. Сгәанала, ахарџь миллион мааҭ инеиҳахар ҟалоит. Иҟоу аҭагылазаашьаҵәҟьа асы анышьҭыҵлак еилкаахоит. Аус рацәа ҳаԥхьа ишьҭоуп", - иҳәеит иара, иагьазгәеиҭеит Риҵаҟа амҩа аҭааҩцәа рзы ишаарту.
Апарк аҵакырахь аӡынхарԥақәа рыда ахалара азин ҟаҵам жәабран 13 раахыс. Жәабран 19-26 рзы асыԥсалеира иацәшәаны аобиект аҭаара ԥкын.
Ажәабжьқәа зегьы
0