Микрофон  - Sputnik Аҧсны, 1920
Арадио

Арџьениа Марттәи ажәылара ашьҭахьтәи ахҭысқәа рзы: аԥышәара аамҭа ҳажәлар иаҳа еиднакылеит

Арџьениа Марттәи ажәылара ашьҭахьтәи ахҭысқәа рзы: аԥышәара аамҭа ҳажәлар иаҳа еиднакылеит
Анапаҵаҩра
НовостиTelegram
Аԥсны Аџьынџьтәылатә еибашьраан Марттәи ажәылара анаҩс ҳажәлар рхьаа шырхыргоз, рхымҩаԥгашьа атәы арадио Sputnik аефир аҟны амш хьанҭақәа игәалаиршәеит арратә корреспондент Енвер Арџьениа.
1993 шықәса хәажәкыра 15 - 16 рзы Аԥсны Арбџьармчқәа рҽазыршәеит Қырҭтәыла Аҳәынҭсовет архәҭақәа рҟынтәи аҳҭнықалақь Аҟәа ахақәиҭтәра. Ажәылара адҵаҟаҵаҩыс даман аинрал Сергеи Дбар. Аԥсуа еибашьцәа хаха-хымш рнаҩс ахымца иаҵагыланы ихьаҵыр акәхеит. Усҟан иҭахеит 222-ҩы, хабарда ибжьаӡит 23-ҩык.
"Абри аибашьра шықәсыки мызки инацны иахьынӡацоз урҭ амшқәа иҟалап иаҳа ихьанҭаз ракәны иаанхазар. Гәдоуҭа Акультура аҩнаҟны аизара мҩаԥыргеит. Убасҟан исгәалашәоит аԥхәыс Шьушьана Хьециа лажәақәа "ҳаҷкәынцәа иҭахаз рыдгьыл аҟны иҟоуп" ҳәа. Ҳажәлар абасҟак ахьаа ду шрымазгьы, имӷьо ахәрақәа ргәы ишанызгьы, иаадырԥшит рхы ишақәгәыӷуаз. Ари аҵак ду аман… ҳмилаҭ ари иаҳа еиднакылазшәа збоит", - иҳәеит Арџьениа.
Аицәажәара инеиҵыхны ишәаҳар шәылшоит аудио аҟны хыхь.
Ажәабжьқәа зегьы
0