https://sputnik-abkhazia.info/20230329/apartia-asny-zhlar-rakzaara-aforum--aizara-du-maysit-aa---1044936071.html
Апартиа "Аԥсны Жәлар ракзаара афорум" аизара ду мҩаԥысит Аҟәа
Апартиа "Аԥсны Жәлар ракзаара афорум" аизара ду мҩаԥысит Аҟәа
Sputnik Аҧсны
Аизара ду аҟны ирыдыркылеит апартиа иахьатәи амчрақәа рҿаԥхьа иқәдыргыло азҵаарақәа ахьарбоу арезолиуциа. 29.03.2023, Sputnik Аҧсны
2023-03-29T17:00+0300
2023-03-29T17:00+0300
2023-04-01T00:24+0300
аԥсны
ажәабжьқәа
аполитика
https://cdnn1.img.sputnik-abkhazia.info/img/07e7/03/1d/1044931526_0:161:3068:1887_1920x0_80_0_0_958f3e1be0cee047a575b17fb5a993f4.jpg
АҞӘА, хәажәкыра 29 - Sputnik, Асмаҭ Ҵәыџьԥҳа. Апартиа "Аԥсны Жәлар ракзаара афорум" аизара ду мҩаԥысит Аҟәа, асасааирҭа "Интер-Сухум" аҿы, хәажәкыра 29 рзы. Аизара ду аҟны ирыдыркылеит апартиа иахьатәи амчрақәа рҿаԥхьа иқәдыргыло азҵаарақәа ахьарбоу арезолиуциа, урҭ ируакуп Аԥсны аиҳабыра афымцамч ахәԥса ашьҭыхразы ирыдыркылаз аӡбамҭа иашам, ҵаҵӷәык амам ҳәа ргәаанагара. Дара Апарламент ахь ажәалагала ҟарҵеит аамҭа мгакәа ажәлар ирԥырхагоу ари аӡбамҭа аԥыхра азҵаара рыӡбарц. Уи адагьы афорум алахәылацәа акриптовалиута арҳаразы аиҳабыра ирыдыркылаз ақәҵара апровокациатә ҟазшьа змоу, аенергетика акризис ахь иназгаз ӡбараны иазырԥхьаӡеит. Арезолиуциаҟны иазгәаҭоуп Аԥсны аиҳабыра Урыстәыла аҟынтәи 1,5 миллиард мааҭ акредит агаразы рыгәҭакы изызхәыцым шьаҿоуп, ҳтәыла аихамҩатә кредит аиԥш ауадаҩра иҭанаргылоит ҳәа. Аизараҿы иазыршьоит ари акредит ашәахтәшәаҩцәа рыжәҩа иқәлоит ҳәа.Иара убасгьы ирзааҭгылан аиҳабыра акоронавирус иаҿагыланы имҩаԥыргоз ауснагӡатәқәа. Апартиа алахәылацәа урҭ цқьа иҭҵаамыз, изызхәыцмыз, еиҿагылоз усны имҩаԥган, аиҳабыра рхымҩаԥгашьа ауааԥсыра рыхәҭак рыԥсыҭбарахь икылнагеит ҳәа иазырԥхьаӡоит. Иара убасгьы афорум аҿы иалацәажәеит Пицунда иҟоу аҳәынҭқарратә дача Урыстәыла аҭара азҵаара. "Апрокуратура хада ишьақәнаргылақәазгьы налаҵаны, аҭыԥ змаз агха дуқәа инарыдҳәаланы, ихымԥадатәины иаҳшьоит атәыла ахада Апарламент аҟынтәи Пицунда иҟоу аҳәынҭқарратә дача Урыстәыла аҭаразы аиқәшаҳаҭра ирхынҳәыроуп ҳәа", - азгәаҭоуп арезолиуциаҟны. "Аԥсны Жәлар ракзаара афорум" Аизара ду аҟны аполитхеилак ахь иалхын 21-ҩык, ишьақәырӷәӷәан ахантәаҩы ихаҭыԥуаа – Ҳаџьараҭ Ҳаџьымбеи Даур Аршбеи. Даур Аршба ахантәаҩы актәи ихаҭыԥуаҩыс далхуп.
https://sputnik-abkhazia.info/20230329/zhlarbzharati-ashararaei-anuati-ailibamkaaraei-zhlar-rforum-ay-izlatsazhoz-1044937860.html
https://sputnik-abkhazia.info/20230322/khra-zlou-akhysa-tsygba-amtsakhara-aizara-du-aoppozitsiei-amchrei-reimadara-rty-1044790059.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аполитика
Апартиа "Аԥсны Жәлар ракзаара афорум" аизара ду мҩаԥысит Аҟәа
17:00 29.03.2023 (ирҿыцуп: 00:24 01.04.2023) Аизара ду аҟны ирыдыркылеит апартиа иахьатәи амчрақәа рҿаԥхьа иқәдыргыло азҵаарақәа ахьарбоу арезолиуциа.
АҞӘА, хәажәкыра 29 - Sputnik, Асмаҭ Ҵәыџьԥҳа. Апартиа "Аԥсны Жәлар ракзаара афорум" аизара ду мҩаԥысит Аҟәа, асасааирҭа "Интер-Сухум" аҿы, хәажәкыра 29 рзы.
Аизара ду аҟны ирыдыркылеит апартиа иахьатәи амчрақәа рҿаԥхьа иқәдыргыло азҵаарақәа ахьарбоу арезолиуциа, урҭ ируакуп Аԥсны аиҳабыра афымцамч ахәԥса ашьҭыхразы ирыдыркылаз аӡбамҭа иашам, ҵаҵӷәык амам ҳәа ргәаанагара.
Дара Апарламент ахь ажәалагала ҟарҵеит аамҭа мгакәа ажәлар ирԥырхагоу ари аӡбамҭа аԥыхра азҵаара рыӡбарц.
Уи адагьы афорум алахәылацәа акриптовалиута арҳаразы аиҳабыра ирыдыркылаз ақәҵара апровокациатә ҟазшьа змоу, аенергетика акризис ахь иназгаз ӡбараны иазырԥхьаӡеит.
Арезолиуциаҟны иазгәаҭоуп Аԥсны аиҳабыра Урыстәыла аҟынтәи 1,5 миллиард мааҭ акредит агаразы рыгәҭакы изызхәыцым шьаҿоуп, ҳтәыла аихамҩатә кредит аиԥш ауадаҩра иҭанаргылоит ҳәа. Аизараҿы иазыршьоит ари акредит ашәахтәшәаҩцәа рыжәҩа иқәлоит ҳәа.
Иара убасгьы ирзааҭгылан аиҳабыра акоронавирус иаҿагыланы имҩаԥыргоз ауснагӡатәқәа. Апартиа алахәылацәа урҭ цқьа иҭҵаамыз, изызхәыцмыз, еиҿагылоз усны имҩаԥган, аиҳабыра рхымҩаԥгашьа ауааԥсыра рыхәҭак рыԥсыҭбарахь икылнагеит ҳәа иазырԥхьаӡоит.
Иара убасгьы афорум аҿы иалацәажәеит Пицунда иҟоу аҳәынҭқарратә дача Урыстәыла аҭара азҵаара.
"Апрокуратура хада ишьақәнаргылақәазгьы налаҵаны, аҭыԥ змаз агха дуқәа инарыдҳәаланы, ихымԥадатәины иаҳшьоит атәыла ахада Апарламент аҟынтәи Пицунда иҟоу аҳәынҭқарратә дача Урыстәыла аҭаразы аиқәшаҳаҭра ирхынҳәыроуп ҳәа", - азгәаҭоуп арезолиуциаҟны.
Адокумент аҿы иарбоуп атәыла анапхгара атәыла аҩнуҵҟа аҭагылазаашьа аиҭакра ахьалымшо азы, агхақәа ахьазмыриашо азы, ауаажәларра рыбзазара аиӷьтәраҿы агха ҟазҵаз ахаҿқәа аҭакԥхықәра иаҵаргылатәуп ҳәа, атәыла ахада раԥхьа днаргыланы, анагӡаратә мчра ԥхьаҟа атәыла анапхгара рылшом, хатәгәаԥхарала иқәҵыр ауп ҳәа.
"Аԥсны Жәлар ракзаара афорум" Аизара ду аҟны аполитхеилак ахь иалхын 21-ҩык, ишьақәырӷәӷәан ахантәаҩы ихаҭыԥуаа – Ҳаџьараҭ Ҳаџьымбеи Даур Аршбеи. Даур Аршба ахантәаҩы актәи ихаҭыԥуаҩыс далхуп.
